Nury Halmämmedowyň terjimehaly esasynda goýulýan «Köňül tary» atly täze oýun meşhur türkmen kompozitorynyň ömri we döredijiligi barada söz açar.

Türkmenistanyň halk artisti, SSSR-iň döwlet baýragynyň, Türkmenistanyň Magtymguly adyndaky döwlet baýragynyň eýesi Nury Halmämmedow türkmen nusgawy sazynyň ösüşine saldamly goşant goşdy. Onuň milli medeniýetiň beýany bolan bahasyna ýetip bolmajak saz mirasy häzirem tutuş dünýäde diňleýjileri begendirmek bilen, olaryň ruhlaryna ruh goşýar.

Teatr işgärleri saz älemindäki şeýle ajaýyp hadysa biperwaý garap bilmediler. Mundan başga-da, ýurdumyzda Nury Halmämmedow bilen işleşen, gatnaşan, dost bolan we ony tanan adamlar henizem bar. Şolaryň biri-de Türkmenistanyň at gazanan artisti, «Köňül tary» oýnunyň režissýory Bilbil Mämmedowdyr.

Bu režissýor Mämmetgurban Mämmetgurbanow bilen Söhbet Serbazowyň adybir oýnuny ozal A.S.Puşkin adyndaky döwlet rus drama teatrynyň sahnasynda goýupdy. Bu oýun häzirem üstünlikli dowam edýär.

Eýsem-de bolsa, halypanyň toýunyň öňüsyrasynda türkmen kompozitorynyň döredijiliginiň gadyryny bilýänler üçin Alp Arslan adyndaky milli drama teatrynyň topary bilen bilelikde täze bir sowgat etmek kararyna gelindi.

Oýna adygan artistler gatnaşýarlar. Şahyr Gurbannazar Ezizowyň keşbini Süleýman Eminow, aýdymçy Atageldi Garýagdyýewiň keşbini Şirgeldi Saparow ýerine ýetirýär. Nury Halmämmedowyň keşbini sahnada Perhat Sallandyýew janlandyrar.

Oýny goýan režissýoryň belleýşi ýaly, oýunda kompozitoryň ilhalar saz eserleri ýaňlanar. Gepiň gerdişine görä aýtsak, täze sahna eserine käbir stilistik tärler, parasatly sözler we türkmen nakyllary mahsusdyr.

«Köňül tary» oýnunyň öňgörmeleri Nury Halmämmedowyň doglan gününiň 85 ýyllygyna bagyşlanan «Mukama siňen ömür» festiwalynyň çäginde 28-nji we 29-njy oktýabrda bolar.