«Aşgabat şäher telefon ulgamy» ýapyk görnüşli paýdarlar jemgyýeti (AŞTU) ýörite PIN kody ulanmazdan hyzmatlar üçin has amatly töleg üçin täze ykjam goşundynyň işe girizilendigini habar berdi.

Peýdaly eKassa goşundysy AŞTU-nyň «ŞAHSY OTAG» multiserwis meýdançasynyň ýönekeýleşdirilen görnüşi bolup, internet elýeterli bolan müşderilere, telefon hyzmatlary, öý interneti (Wi-fi) we telewizor (IP-tv) üçin çalt we ygtybarly töleg geçirmäge mümkinçilik berýär.

Ozal AŞTU-nyň hyzmatlaryny tölemek üçin müşderiler şahsy koduny bilmelidi. Täze ykjam goşundy üçin indi bu kod talap edilmeýär.

Töleg geçirmek üçin müşderi goşundy hasaba alnanda bank kartlaryny birikdirmeli we telefon belgisini görkezmeli.

Bu goşundy müşderilere ýokary hilli we çalt hyzmat etmek üçin işlenip taýýarlanyldy. Häzirki wagtda Google Play we App Store goşundylaryny dükanlaryndan göçürip alyp bolýar. Ilkinji ulanyjylar täze ykjam goşundysynyň ýönekeý we amatly işine ýokary baha berdiler.