Onuň Alyhezreti,
Türkmenistanyň Prezidenti jenap
Serdar BERDIMUHAMEDOWA
Hormatly Serdar Gurbangulyýewiç!
Size we Türkmenistanyň dostlukly halkyna bahar paslynyň, täzelenişiň hem-de ýaşaýşyň dabaralanmagynyň baýramy bolan Nowruz baýramy mynasybetli tüýs ýürekden gutlaglarymy, iň gowy arzuwlarymy beýan etmek mende uly kanagatlanma duýgusyny döredýär. Gadymy taryhy, baý hem-de gaýtalanmajak gözelligi, çuňňur filosofik many-mazmuny bilen tapawutlanýan Nowruz biziň umumy däp-dessurlarymyzy, asyrlaryň jümmüşinden gaýdýan ýörelgelerimizi we gymmatlyklarymyzy aýdyň beýan edýär. Ýüzýyllyklaryň dowamynda dostluk, hoşniýetli goňşuçylyk ýörelgelerinde doly sazlaşykda ýaşaýan biziň halklarymyz bu nurana baýramy aýratyn ruhubelentlik, päk arzuw-niýetler bilen garşylaýarlar.
Özara saparlaryň, ýokary derejede ynanyşmak dialogynyň işjeňleşdirilmeginiň hasabyna biziň köptaraplaýyn we uzak möhletleýin hyzmatdaşlygyň gerimini has-da giňeldip biljekdigimize hem-de strategik hyzmatdaşlygy düýpgöter täze derejä çykarjakdygymyza ynanýaryn.
Şu bagtyýar, nurana günlerde, gadyrly Serdar Gurbangulyýewiç, Size berk jan saglyk, maşgala bagtyýarlygyny, jogapkärli döwlet işiňizde uly üstünlikleri, doganlyk türkmen halkyna bolsa parahatçylyk, abadançylyk we mundan beýläk-de rowaçlyk arzuw edýärin!
Hormatlamak bilen,
Şawkat MIRZIÝOÝEW,
Özbegistan Respublikasynyň Prezidenti.
***
Onuň Alyhezreti,
Türkmenistanyň Prezidenti jenap
Serdar BERDIMUHAMEDOWA
Hormatly Serdar Gurbangulyýewiç!
Halkara Nowruz gününiň ýetip gelmegi mynasybetli Sizi we Siziň üstüňiz bilen Türkmenistanyň dostlukly halkyny uly şatlyk bilen gutlaýaryn. Ata-babalarymyzyň bu gadymy baýramy mynasybetli meniň iň gowy arzuwlarymy kabul etmegiňizi haýyş edýärin.
Iň ajaýyp baýramlaryň biri bolan nurana Nowruzyň gadymy däp-dessurlary we baý ruhy ýörelgeleri müňýyllyklaryň dowamynda adamzadyň durmuş ýoluny nurlandyrýar, ynsan dünýäsini has-da gözelleşdirýär. Täze ýaşaýşyň başlanmagyny, tebigatyň janlanmagyny, hoşniýetli arzuwlaryň dabaralanmagyny, özara sabyrlylygy, düşünişmegi alamatlandyrýan bu bahar baýramynyň umumadamzat gymmatlyklarynyň hem-de müdimi taglymlarynyň geljekde-de bizi galkynyşyň we döredijiligiň, parahatçylygyň, asudalygyň, özara hormat goýmagyň, ynanyşmagyň ýoly bilen öňe alyp gitjekdigine umyt edýärin.
Rysgal-bereketli Nowruzyň asylly ýörelgeleri esasynda bilelikdäki tagallalarymyz bilen ýurtlarymyzyň köpugurly özara bähbitli hyzmatdaşlygynyň giňeldiljekdigine, geljekde-de strategik hyzmatdaşlygyň çäklerinde okgunly ösdüriljekdigine ynanýaryn.
Hormatly Serdar Gurbangulyýewiç, Size berk jan saglyk, bagtyýarlyk we uly üstünlikleri, Türkmenistanyň doganlyk halkyna bolsa parahatçylyk, durnuklylyk, abadançylyk, mundan beýläk-de ösüş, rowaçlyk arzuw edýärin!
Hormatlamak bilen,
Emomali RAHMON,
Täjigistan Respublikasynyň Prezidenti.
***
Onuň Alyhezreti,
Türkmenistanyň Prezidenti jenap
Serdar BERDIMUHAMEDOWA
Hormatly Serdar Gurbangulyýewiç!
Sizi we Türkmenistanyň doganlyk halkyny halklarymyzyň baý taryhy-medeni mirasyny özünde jemleýän Nowruz baýramy mynasybetli tüýs ýürekden gutlaýaryn. Tebigata çäksiz söýginiň beýany bolan bu baýram adamlary ýakynlaşdyrýan beýik ruhy gymmatlykdyr. Nowruzyň gadymy ýörelgeleri bahar ruhubelentligini, tebigatyň köpöwüşginli janlanmagyny alamatlandyrmak bilen, biziň köpasyrlyk medeni mirasa hormat-sarpamyzyň beýanydyr.
Azerbaýjan bilen Türkmenistanyň arasynda dost-doganlyk gatnaşyklaryny mundan beýläk-de pugtalandyrmak boýunça bilelikdäki tagallalarymyzy geljekde-de üstünlikli dowam etdirjekdigimize ynanýaryn.
Pursatdan peýdalanyp, meniň Azerbaýjan Respublikasynyň Prezidenti wezipesine gaýtadan saýlanylmagym mynasybetli iberen tüýs ýürekden gutlaglaryňyz, iň gowy arzuwlaryňyz üçin Size hoşallygymy beýan edýärin.
Şu nurana günlerde Size berk jan saglyk, bagtyýarlyk, Türkmenistanyň doganlyk halkyna bolsa abadançylyk we rowaçlyk arzuw edýärin.
Hormatlamak bilen,
Ilham ALIÝEW,
Azerbaýjan Respublikasynyň Prezidenti.
***
Onuň Alyhezreti,
Türkmenistanyň Prezidenti jenap
Serdar BERDIMUHAMEDOWA
Size Nowruz baýramy mynasybetli mähirli gutlaglarymy ibermäge şatdyryn.
Goý, nurana Nowruz Türkmenistanyň parahat durmuşda ýaşamagyna we abadançylygyna ýardam bersin!
Husraw NOZIRI,
Ykdysady Hyzmatdaşlyk Guramasynyň Baş sekretary.
