Ýewropa bileleşiginiň (ÝeB) Türkmenistandaky wekiliýeti jemgyýetçilik guramalary üçin maglumat mejlisini gurady. Garaşsyz geňeşçi Madalena Moýtanyň geçiren mejlisi Raýat jemgyýetiniň iş gaznasyna gatnaşmak üçin ýüz tutulandaky işlerde jemgyýetçilik guramalaryna ýardam bermeklige bagyşlandy.

Taslamalary işläp taýýarlamak we arzalary tabşyrmak, olary netijeli durmuşa geçirmek üçin harajatlary düzmek barada pikir alşyldy. Şunuň bilen baglanşyklylykda bilermen taslama teklipleriniň ÝeB-niň strategiýasyna laýyk gelmeginiň möhümdigini nygtady. Ol dolandyryşa esasy gatnaşyjylar bolan jemgyýetçilik guramalarynyň ähmiýetini aýratyn belledi.