Ýurdumyzda yssy howanyň bolmagyna we käbir welaýatlarda gysga wagtlaýyn ýagşyň ýagmagyna garaşylýar. Howanyň ortaça temperaturasy + 43 gradus bolar.

Aşgabatda hepdäniň ahyrynda üýtgäp durýan bulutly howa bolup, howa gijelerine +24... +26 gradusdan +27... +29 gradus aralygynda maýyl, gündizlerine +36... +38 gradusdan +41... +43 gradus aralygynda yssy bolar.

Ahal welaýatynda üýtgäp durýan bulutly howa bolup, hepdäniň ahyrynda az-kem ýagyş ýagar. Howa gijelerine +22... +27 gradusdan +26... +31 gradus aralygynda maýyl, gündizlerine +33... +38 gradusdan +38... +43 gradus aralygynda yssy bolar.

Balkan welaýatynda üýtgäp durýan bulutly howa bolup, hepdäniň ikinji ýarymynda az-kem ýagyş ýagar. Howa gijelerine +21... +26 gradusdan +25... +30 gradus aralygynda maýyl, gündizlerine +38... +43 gradus, welaýatyň kenarýaka etraplarynda +32... +37 gradus yssy bolar.

Mary welaýatynda hepdäniň ahyrynda üýtgäp durýan bulutly howa bolup, howa gijelerine +22...+27 gradusdan +25... +30 gradus aralygynda maýyl, gündizlerine +35... +40 gradusdan +38... +43 gradus aralygynda yssy bolar.

Lebap welaýatynda hepdäniň ahyrynda üýtgäp durýan bulutly howa bolup, howa gijelerine +21... +26 gradusdan +26... +31 gradus aralygynda maýyl, gündizlerine +33... +38 gradusdan +38... +43 gradus aralygynda yssy bolar.

Daşoguz welaýatynda hepdäniň ikinji ýarymynda üýtgäp durýan bulutly howa bolup, howa gijelerine +20... +25 gradusdan +24... +29 gradus aralygynda maýyl, gündizlerine +32... +37 gradusdan +37… +42 gradus aralygynda yssy bolar.

Şu günler howanyň aşa gyzmagy saglyk ýagdaýymyza has ünsli bolmagy talap edýär. Şonuň üçin hem yssy howada ýeňil, rahat, arassa nah matadan tikilen, açyk reňkli egin-eşikleri geýmeli. Günden goranmak üçin ýeňiljek başgap geýmeli, ýaglyk atynmaly ýa-da saýawan götermeli. Günden goraýjy äýnekleri dakynmak hem peýdalydyr. Yssy howada günüň dowamynda 2,5-3 litre golaý arassa agyz suwuny içmeli.