Türkmen metbugat gullugynyň wekiliýeti 16-17-nji awgustda boljak IX Hazar metbugat forumyna gatnaşmak üçin Astrahana bardy. Birinji gün metbugat forumyna gatnaşýan ýurtlaryň, ýagny Azerbaýjanyň, Eýranyň, Gazagystanyň, Russiýanyň, Türkmenistanyň, şeýle hem Belarusyň we Özbegistanyň wekiliýetleriniň ýolbaşçylary duşuşarlar.

Çäräniň esasy gününe, 17-nji awgusta, umumy mejlis we bäş sany mowzuky sessiýa meýilleşdirilipdir. Oňa gatnaşýanlar sungatda we metbugatda sanly tehnologiýalaryň ösüşi, adaty sungatyň we kinonyň ählumumy aragatnaşyk dili hökmünde täzeçe durmuşyny, şeýle hem ýewraziýa giňişligindäki medeni we taryhy jebisligiň mysallaryny ara alyp maslahatlaşarlar. Şeýle hem «Derňew žurnalistikasy» atly ussatlyk dersi we Hazar ýakasy ýurtlaryň habar beriş gulluklarynyň wekilleriniň duşuşygy meýilleşdirilýär.

Forumyň çäginde «Serhetsiz Hazar» atly iň gowy žurnalist eseri ugrundaky bäsleşigiň netijeleri jemlener. Çäre «Hazar möwsümleri» atly medeni festiwal bilen dowam eder. Onda russiýaly, azerbaýjanly, eýranly, gazagystanly we türkmenistanly sazandalardan ybarat bolan birleşdirilen simfoniki orkestr çykyş eder.