«Kids Expo: ähli zat çagalar üçin» atly halkara sergi-ýarmarkasynyň çäginde «Sagdyn nesil – milletiň saglygy» atly maslahat geçirildi. Maglumat sessiýanyň adyndan Sankt-Peterburgdan gelen iýmitleniş boýunça lukmany, «Wertera» kompaniýanyň wekili Irina Slastina çykyş etdi.

Hünärmen sergä gelenleri «Wertera» kompaniýanyň önümleri bilen tanyşdyranda, harytlarynyň özboluşly aýratynlyklary barada gürrüň berdi. Bu kompaniýa organik ýodly sagdyn çaga iýmitini öndürýär, şeýle hem goňur deňiz suwotulary laminariýalar esasynda gözellik we saglyk önümlerini hödürleýär.

– Ilki bilen, çaga iýmitine degişli täze tehnologiýalarymyzy paýlaşmak mümkinçiligini döredendigi üçin ajaýyp ýurduňyza hoşallyk bildirmek isleýärin – diýip, Irina Slastina aýtdy. Biziň Türkmenistana getiren önümimiz suwotularyň peýdaly häsiýetlerini doly siňdirmäge mümkinçilik berýän özboluşly patent alan tehnologiýany ulanmak arkaly öndürilen dünýäde ýeke-täk önümdir.

Organik ýoddan başga-da, düzüminde laminariýa gidrolizaty bolan «Akylly çaga» iýmitinde ýüzden gowrak peýdaly maddalar: witaminler, minerallar, mikro we makroelementler, peýdaly polisakaridler, Omega-3 we Omega-6 kislotalary bar.

Ýod galkan görnüşli mäz üçin möhüm elementdir. Bedende ýoduň we witaminleriň ýetmezligi çaganyň akyl taýdan ösmegine we ukyplarynyň emele gelmegine täsir edip biler. Bu bolsa çaganyň dykgatsyzlygyna, ýatkeşliginiň gowşaklygyna, tiz ýadamagyna we immunitetiniň peselmegine eltýär.

Kompaniýanyň wekiliniň belleýşi ýaly, deňiz suwotulary ýoduň iň gowy iýmit çeşmelerinden biridir. Olaryň esasynda döredilen «Akylly çaga» iýmiti diňe bir bedendäki ýod ýetmezligini doldurmak bilen çäklenmän, eýsem, mekdep arakesmesinde gündelik peýdaly iýmit bolup biler.

«Wertera» kompaniýasy tarapyndan Aşgabatda geçirilen «Kids Expo» sergisinde hödürlenen önümleriň hatarynda deňiz baly, gözellik serişdeleri, çalgylar we berhizliler üçin iýmit önümleri bar.