2024-nji ýylyň 25-nji oktýabrynda Kuala-Lumpur şäherinde Türkmenistanyň Malaýziýadaky Ilçihanasy tarapyndan Magtymguly Pyragynyň 300 ýyllygyna we 2024-nji – «Pähim-paýhas ummany Magtymguly Pyragy» ýylyna bagyşlanan halkara medeni çäre guraldy. Bu barada Türkmenistanyň DIM-niň web-saýtynda habar berilýär.

Çärä Malaýziýanyň Bilim ministri, Daşary işler ministrliginiň wekilleri, Malaýziýada akkreditlenen diplomatik wekilhanalaryň ýolbaşçylary we wekilleri, alymlar we medeni işgärler, şeýle hem türkmen talyplary gatnaşdylar.

Çäräniň çäginde Magtymguly Pyragynyň medeni we edebi mirasyna bagyşlanan sergi guraldy.