Durnukly ösüş maksatlarynyň türkmenistanly ýaş ilçisi Serwi Nuryýewa 6–8-nji noýabrda Budwa şäherinde (Çernogoriýa) geçen «Durnuklylyga barýan ýol: Çagalar we ýaşlar hereketde» atly ýörite çärä gatnaşdy.

Çäräni Birleşen Milletler Guramasynyň Çagalar Gaznasynyň (ÝUNISEF) Ýewropa hem Merkezi Aziýa ýurtlary we çäkleri boýunça sebitleýin bölümi gurady. Ol 15–30 ýaş aralygyndaky çagalary we ýaşlary, howanyň üýtgemegi we betbagtçylyklaryň howpuny azaltmak babatynda hereket kartasyny düzmekleri üçin hünärmenleri bir ýere jemledi.

Serwi Nuryýewa – Halkara ynsanperwer ylymlar we ösüş uniwersitetiniň talyby. Ol DÖM-13-e, ýagny «Howanyň üýtgemegine garşy göreşde gyssagly çäre görme» maksatnamasyna gatnaşýar.