Aşgabatda Türkiýe Respublikasynyň eksport harytlarynyň sergisiniň ikinji güni iki ýurduň arasyndaky ykdysady hyzmatdaşlygyň has-da pugtalanýandygyny görkezdi. Türkmen bazarynda öňden işläp gelýän türk kompaniýalary, assosiasiýlary we işewür hyzmatdaşlary önümlerinidir hyzmatlaryny hödürlediler.
Hormatly Prezidentimiz Serdar Berdimuhamedowyň iberen Gutlagy bilen açylan bu çäre türk önümleriniň eksportyny giňeltmegi we täze işewürlik mümkinçiliklerini döretmegi maksat edinýär.
Türkiýäniň söwda ministri Omer Bolat döwlet Baştutanlarynyň bilelikdäki tagallalary netijesinde söwda we ykdysady gatnaşyklaryň has pugtalanýandygyna ünsi çekdi we hyzmatdaşlygyň mundan beýläk-de giňeljekdigine ynam bildirdi.
Sergi dürli pudaklara degişli türk önümleriniň giň görnüşini hödürledi.
Oba hojalygynda: Ortaýer deňzi miweleriniň we gök önümleriniň eksportçylarynyň birleşigi (Akdeniz ihr. Birlikleri yaş meyve sebze), Günbatar Ortaýer deňzi eksportçylary birleşigi (Bati akdeniz ihr. Birliği), kakadylan miweleri we miwe önümlerini eksport edijiler birleşigi (Ege ihracatçilar biriği kuru meyve), Egeý zeýtun we zeýtun ýagyny eksport edijiler birleşigi (Ege ihracatçilar biriği zeytin ve zeytin yag), sitrus miwelerini, gök önümleri, kakadylan miweleri, zeýtun we zeýtun ýagy ýaly ýokary hilli önümler görkezildi. Bu birleşikleriň 2023-nji ýylda milliardlarça dollarlyk eksportda gazanan üstünligi türkmen bazaryndaky ösüş mümkinçiligini tassyklaýar.
Azyk senagatynda: Günorta-Gündogar Anadoly ýaglary we taýýar önüm öndürijiler birleşigi (Güneydoğu anadolu ihr. Birlikleri hububat) ýaglary, un, şeker we konditer önümlerini hödürledi. Türk hozy eksportçylary birleşigi (Karadeniz ihr. Birlikleri) ýokary hilli azyk önümleriniň giň görnüşini teklip etdi.
Dokma senagatynda: Günorta-Gündogar Anadoly dokma we çig mal eksportçylary birleşigi (Güneydoğu anadolu ihr. Birlikleri tekstil) önümlerini hödürledi.
Metallurgiýada: Günbatar Ortaýer deňzi eksportçylary birleşigi (Bati akdeniz ihr. Birliği) gara we reňkli metallary teklip etdi.
Serginiň möhüm aýratynlygy — türk kompaniýalaryna daşky gurşawa az täsir edýän bäsdeşlige ukyply, ýokary hilli önümleri hödürlemäge mümkinçilik berýän ekologiýa taýdan arassa we innowasiýa tehnologiýalaryny görkezmegidi. Ol esasanam Türkmenistanyň bazarynda isleg bildirilýän oba hojalyk önümleri üçin has wajypdyr.
Aşgabatdaky Türkiýäniň eksport harytlarynyň sergisi täze işewürlik mümkinçiliklerini döredip, Türkmenistan bilen Türkiýäniň arasynda hyzmatdaşlygyň mümkinçiliklerini giňeldýär we ösýär. Türk kompaniýalarynyň bu çärä gatnaşmagy Türkmenistanyň bazaryna gyzyklanmanyň ýokarydygyny we özara peýdaly söwda gatnaşyklaryny mundan beýläk-de ösdürmek mümkinçiligini subut edýär.
