Türkmenistanyň Gidrometeorologiýa gullugynyň habaryna görä, 2024-nji ýylyň soňky hepdesinde esasan aram howa bolar, az-kem ýagyş ýagmagy mümkin. Gündiz ortaça +7 gradusdan +15 gradus aralygynda maýyl howa garaşylýar.

Aşgabatda üýtgäp durýan bulutly howa bolup, howa gündizlerine +7… +9, gijelerine –3… –1 gradus bolar. Hepdäniň ortasynda gündizlerine howanyň temperaturasy +14 gradusa çenli galmagyna garaşylýar.

Ahal welaýatynda esasan bulutly we şemally howa bolup, howa gündizlerine +7… +12, gijelerine 0… +6 gradus bolar. Dynç günleri ýagyş ýagmagy mümkin.

Balkan welaýatynda bulutly howa bolup, howa gündizlerine +9… +14, gijelerine –2… +3 gradus bolar diýlip çaklanylýar. Dynç günleri ýagyş ýagmagy we ýel öwüsmegi mümkin.

Mary welaýatynda bulutly howa bolup, ygalsyz, howa gündizlerine +7… +12, gijelerine –5… +4 gradus bolar diýlip çaklanylýar.

Lebap welaýatynda käte açylýan bulutly howa bolup, howa gündizlerine +9… +14, gijelerine –1… +4 gradus bolar. Hepdäniň ahyrynda az-kem ygal ýagmagy mümkin.

Daşoguz welaýatynda bulutly we kä günler şemally howa bolar diýlip çaklanylýar. Howanyň gündizlerine –1… +4 gradusdan +3… +8 gradusa çenli, gijelerine –8… –3, käýerde –4… +1 gradusa çenli bolmagyna garaşylýar.

Türkmenistanyň Içeri işler ministrliginiň Döwlet Ýangyn howpsuzlygy gullugy raýatlara Täze ýyl arçalary bezelende ýangyn howpsuzlygy düzgünlerini berjaý etmegiň möhümdigini ýatladýar we Täze ýyl arçalarynyň ýanynda feýerwerk ýa-da bengal otlaryny ulanmazlygy, baýram günlerinde çagalary gözegçiliksiz goýmazlygy maslahat berýär.