23-nji dekabrda Aşgabatda Türkmenistanda dümewe we ýiti dem alyş ýokançlyklaryna gözegçilik etmek boýunça ýyllyk milli maslahat geçirildi.

Hünärmenler pandemiýa döwründe gazanylan üstünlikleri ara alyp maslahatlaşdylar we dümew pandemiýasyna taýýarlyk üpjünçiligi boýunça Çarçuwaly maksatnamanyň durmuşa geçirilmeginiň çäginde indiki ädimleri belli etdiler. Maslahata gatnaşanlar adam we haýwan saglygyny goraýyşda dümewe, şol sanda mal dümewine gözegçiligi güýçlendirmek barada ylalaşdylar.

Şeýle hem jogap çärelerini has gowy sazlamak üçin «Ýeke-täk saglyk» çemeleşmesini öňe sürmegiň zerurlygy barada ylalaşyk gazanyldy.