Täze 2025-nji ýyl geldi. Bu ýyl Gündogar senenamasyna görä, ýaşyl agaç ýylanyň nyşany astynda geçer. Hytaý mifologiýasynda bu nyşan paýhasy, öý-ojagy, gözelligi, üstünligi we pajarlap ösüşi aňladýar.

Bu ýylky sowgatlaryň arasynda, nepis şaý-sepler, ajaýyp öý bezegleri, organiki kosmetika ýa-da dokma önümleri bolsun, tapawudy ýok, tebigy serişdelerden ýasalan sowgatlar saýlanýarlar. 

«Altyn asyr» söwda merkezinde Täze ýyl üçin dokma sowgatlarynyň täze ýygyndysy hödürlenýär. Olaryň arasynda baýramçylyk äheňli we «2025-nji ýyl» nyşanly – ajaýyp ýylanlar bilen bezelen köp sanly süpürgiçleri görmek bolýar.

Türkmen öndürijileri her önümine özboluşlylyk girizmäge çalyşýarlar. Aýratyn-da, ýylyň nyşany bilen bezelen çagalaryň pižamalaryna aýratyn üns berilýär. Şeýle hem dükanda gündelik ulanmak üçin özboluşly we peýdaly sowgatlar köp.

Baýramçylyk toplumlaryna geljek ýylyň nyşany bilen bezelen ýorgan-düşek toplumlary, süpürgiçler, şypbyklar we başga-da köp zat girýär. Satuw tekjeleri «Gala», «Ýeňiş», «Bedew», «ADT» ýaly we beýleki meşhur ýarlykly içerki täze önümlerine baý.

Soňky ýyllarda modanyň ösüş ugurlary örme önümlere, denim we eko-deri geýimlere has köp üns berýär. Bu materiallar talaby soňky hetdine çenli azaltmagy, asuda bezegi we edara uslybyny öz içine alýar. Bu, esasanam, 2025-nji ýylyň gyşy üçin has wajyp boldy.

Modaly gyş geýimleri şu esasy zatlary: beýik ýakaly iliksiz örme geýimleri, parlak reňkli geýimleri, şeýle hem galyň dokma köýnekleri öz içine alýar. Aýallaryň köpüsi bu stili özleriniň pelsepesi we durmuş ýoly hökmünde kabul edýärler. Mundan başga-da, öýdäki artyk geýimlerden dynmaklyk aňly sarp etmek we tebigata ideg etmek düşünjesine gabat gelýär.