Türkmenistanda hepdäniň ahyrynda maýyl howanyň ornuna ýagyşly we ümürli howa geler. Howa ortaça +14 gradusdan +7 gradusa çenli üýtgär diýlip çaklanylýar.

Aşgabatda üýtgäp durýan bulutly howa bolup, howanyň temperaturasy gündizlerine +14, gijelerine +5 gradus bolar. Hepdäniň ortasynda gündizlerine howanyň temperaturasynyň +6 gradusa çenli peselmegine garaşylýar.

Ahal welaýatynda gar gatyşykly ýagyş ýagar diýlip çaklanylýar. Howanyň temperaturasy hepdäniň başynda gündizlerine +13… +15, gijelerine +3… +5 gradus, hepdäniň ortasynda bolsa +4... +9 gradus bolar.

Balkan welaýatynda şemally howa bolup, howanyň temperaturasy gündizlerine +10… +15, gijelerine +2… +7 gradus bolar diýlip çaklanylýar. Hepdäniň ortasynda ýagşyň ýagmagyna garaşylýar we howanyň temperaturasy gündizlerine +6... +11, gijelerine –4... +1 gradus bolar. 

Mary welaýatynda ümürli howa bolup, howanyň temperaturasy hepdäniň ortasynda gündizlerine +3… +8, gijelerine –4… + 1 gradus bolar diýlip çaklanylýar. Hepdäniň ahyrynda az-kem ýagyş ýagmagy mümkin.

Lebap welaýatynda bulutly howa bolup, howanyň temperaturasy hepdäniň birinji ýarymynda gündizlerine +17 gradusa çenli maýlar. Hepdäniň ortasynda howanyň temperaturasy gündizlerine +7 gradus bolup, gijelerine –2… –7 gradusa çenli sowamagyna garaşylýar. Käýerlerde ýagyş ýagmagy mümkin.

Daşoguz welaýatynda hem ümürli howa bolar diýlip çaklanylýar. Howanyň temperaturasy gündizlerine –1… +4 gradus, gijelerine –3… –8 gradus bolar. Käýerlerde gar gatyşykly ýagyş ýagmagy ähtimal.

Howanyň sowamagy ýiti ýokanç keselleriň ýaýramagyna getirip biler. Ýokanç keselleriň ýokmak howpuny azaltmak üçin howa görä geýinmek, aýaklaryň gury bolmagyna we şahsy arassaçylygyň düzgünlerini berjaý etmäge, aýratynam eliňizi ykjam ýuwmaga üns beriň!