Amerikaly artistler Keýt Bass, Aaron Ýaň we Riçard Staýgner Türkmenistana geldi. 13 – 25-nji ýanwar aralygynda daşary ýurtly myhmanlar türkmen kärdeşleri bilen birnäçe hünär alyş-çalyş çärelerine gatnaşarlar we bilelikdäki amerikan-türkmen konsertlerini geçirerler.
«Broadway and Beyond» sazly maksatnamalar Aşgabat, Türkmenbaşy, Balkanabat we Daşoguz şäherlerinde geçiriler.
Konsert tapgyry 16-njy ýanwarda sagat 19:00-da Türkmenistanyň Döwlet medeni merkeziniň Mukamlar köşgünde geçiriljek uly şüweleň bilen açylar.
18-nji ýanwarda sagat 19:00-da sungat işgärleri Türkmenbaşy şäherindäki «Türkmennebit» döwlet konserniniň Türkmenbaşydaky nebiti gaýtadan işleýän zawodynyň medeni we sport toplumynda çykyş eder.
20-nji ýanwarda konsert sagat 19:00-da Balkanabatda Balkan welaýatynyň Beýik Saparmyrat Türkmenbaşy adyndaky Döwlet drama teatrynyň sahnasynda bolar.
22-nji ýanwarda sagat 19:00-da Daşoguzdaky Nurmuhammet Andalyp adyndaky Döwlet sazly drama teatrynda aýdym-sazly çykyşlar görkeziler.
Soňky konsert 24-nji ýanwarda sagat 19:00-da Aşgabatdaky Döwlet medeniýet merkeziniň Mukamlar köşgünde bolar.
Ähli çärelere giriş tölegsizdir.
