Türkmenistanyň Döwlet gümrük gullugynyň ýanyndaky Okuw merkezinde harytlaryň beýany we kodlaşdyrylmasy boýunça sazlaşykly ulgamy (SU) ulanmak boýunça maslahat geçýär.
Bu maslahat Hytaýyň gümrük hyzmatdaşlygy gaznasynyň goldamagynda Bütindünýä gümrük guramasy bilen bilelikde ýola goýuldy. Çäräni harytlaryň sazlaşykly beýany we kodlaşdyryş ulgamyny ulanmak boýunça braziliýaly hünärmen Ýara Nowis we ispaniýaly hünärmen Alvaro Fernandez sazlaýar.
Maslahatyň maksady harytlaryň atlaryny Türkmenistan üçin 2025-nji ýylyň 1-nji ýanwarynda güýje giren Sazlaşykly haryt beýany we kodlaşdyryş ulgamy baradaky konwensiýa laýyk getirmekde tehniki kömek bermekden ybaratdyr. Ol, şeýle hem Bütindünýä gümrük guramasynyň nyrhlary toparlara bölmek boýunça işini döwrebaplaşdyrmak we SU 2022-nji ýyl haryt atlaryny düşündirmekde we ulanmakda birmeňzeşligi üpjün etmek üçin SU gurallaryny we serişdelerini ara alyp maslahatlaşmak üçin ýerlik bilen üpjün eder.
Gümrük işgärleri harytlary düşündirmegiň umumy düzgünleriniň dogry ulanylmagy, degişli bellikler we sazlaşykly ulgamyň aýratyn bölümleriniň gerimi bilen tanyşdylar. Olara dürli ugurlardaky nyrhlaryň toparlara bölünişi boýunça mysallar-da görkezildi.
Sazlaşykly haryt beýany we kodlaşdyrylyş ulgamy önümleri toparlara bölýän bitewi halkara ulgamdyr. Onuň ulanylmagy ähli ýurtlar üçin dünýä söwdasy barada ygtybarly we takyk statistika maglumatlaryny ýygnamaga mümkinçilik berýär.
