«Türkmendeňizderýaýollary» agentliginiň mejlisler zalynda «Sanly tehnologiýalar we kiberhowpsuzlygyň esaslary» atly okuw maslahaty geçirildi.

Çäre işgärleriň sanly ulgamlar boýunça bilimlerini ýokarlandyrmak maksady bilen geçirildi. Maslahata gatnaşanlar Türkmenistanda sanlylaşdyrmak pudagy boýunça kabul edilen hukuk namalar, maksatnamalar, edaralarda gurnalan sanly maglumat ulgamlaryny ulanmagyň düzgünleri bilen tanyşdylar. Mundan başga-da, kärhanalarda maglumat howpsuzlygyny üpjün etmegiň düzgünleri ara alnyp maslahatlaşyldy.

Okuw sapaklarynyň dowamynda sorag-jogap arkaly öz-ara pikir alyşyldy.