Ýakynda Türkmenistanyň Jemgyýetçilik guramalarynyň merkezinde «Zenanlaryň maşgalanyň binýadyny berkitmekdäki orny» atly duşuşyk geçirildi.
Ol Türkmenistanyň Zenanlar birleşiginiň Merkezi Geňeşiniň we Eýran Yslam Respublikasynyň Türkmenistanyň ilçihanasynyň Medeniýet merkeziniň bilelikde guramagynda boldy.
Oňa jemgyýetçilik guramalarynyň wekilleri, sungat işgärleri we myhmanlar gatnaşdylar. Duşuşykda maşgala mukaddesligi, çaga terbiýesi, zenanlaryň syýasy-jemgyýetçilik durmuşyndaky tutýan orny barada buýsançly gürrüňler edildi. Mundan başga-da duşuşygyň çäklerinde Türkmenistanyň Şekillendiriş sungaty muzeýiniň göçme sergisi we iki dostlukly halkyň eli çeper zenanlaryň el işleri myhmanlaryň ünsüni çekdi.
