Türkmenistanyň Daşky gurşawy goramak ministrliginiň we BMG-niň Ösüş maksatnamasynyň hünärmenleri galyndylary dolandyrmak ýörelgesini işläp gutarmak boýunça iş duşuşygyny geçirdiler. Duşuşykda täze kadalaşdyryjy we hukuk namalary ara alnyp maslahatlaşyldy.
Bu çäre Türkmenistanyň Daşky gurşawy goramak ministrligi we BMGÖM tarapyndan durmuşa geçirilýän «Türkmenistanda durnukly şäherler: Aşgabatda we Awazada ýaşyl şäherleriň toplumlaýyn ösüşi» taslamasynyň bir bölegi boldy.
Duşuşykda galyndylaryň toparlaryny tassyklamak we olaryň howplulyk synplaryna bölünmegi bilen baglanyşykly meseleler ara alnyp maslahatlaşyldy. Howp topary galyndylaryň daşky gurşawa, adamyň ömrüne we saglygyna ýaramaz täsir edýän kanun çykaryjy derejesidir. Galyndynyň haýsy topara degişlidigini kesgitlemek üçin şu zatlar zerurdyr:
– howply galyndylaryň döreýän, saklanýan we ýerleşdirilen ýerleriniň tükellemesini geçirmek, himiki derňew geçirmek üçin nusgalary almak, hukuk berlen barlaghanalaryň kömegi bilen galyndylaryň düzüminiň himiki derňewini geçirmek we her ölçegi barlaghana derňew teswirnamasynda resmi suratda bellemek.
Ara alyp maslahatlaşmagyň dowamynda Türkmenistanyň «ýaşyl» geljege goşant goşjak galyndylary dolandyrmagyň netijeli ulgamyny ösdürmek boýunça teklipler aýdyldy.
