BMG-niň Merkezi Aziýa üçin öňüni alyş diplomatiýasy boýunça sebit merkezi Aşgabatda Öňüni alyş diplomatiýa akademiýasynyň 2025-nji ýylyň talyplary üçin internet arkaly interaktiw okuw gurady. Okuw ýaşlaryň parahatçylygy has-da berkitmek we howpsuzlygy üpjün etmek işlerine işjeň gatnaşmagyna bagyşlandy.

Bu çäre «Zenanlar, parahatçylyk we howpsuzlyk» atly bütindünýä meýilnamany durmuşa geçirmegiň çäginde Merkezi Aziýanyň we Owganystanyň ýaş ýolbaşçylaryny bir ýere jemledi. Bu okuw ýubileý ýylynda, ýagny BMG-niň Howpsuzlyk Geňeşiniň zenanlar, parahatçylyk we howpsuzlyk baradaky Kararynyň 25 ýyllygynda geçirildi.

Çärä gatnaşanlar sebitde «Zenanlar, parahatçylyk we howpsuzlyk» atly bütindünýä meýilnamanyň iş ýüzünde durmuşa geçirilişini, şeýle hem «Zenanlar, parahatçylyk we howpsuzlyk» hem-de «Ýaşlar, parahatçylyk we howpsuzlyk» bütindünýä meýilnamalarynyň arasyndaky baglanyşygyny ara alyp maslahatlaşdylar.

Maslahatyň dowamynda zenanlaryň ornuny ýokarlandyrmak we ähli derejelerde giň gerimli kararlaryň kabul edilmegini üpjün etmek üçin möhüm ýerlik hasaplanýan BMG-niň Merkezi Aziýa üçin öňüni alyş diplomatiýasy boýunça sebit merkezinde Merkezi Aziýa ýurtlarynyň zenan ýolbaşçylarynyň Gepleşikleriniň işleri hödürlendi.