Halkara parahatçylyk we ynanyşmak ýylynda Beýik Saparmyrat Türkmenbaşy adyndaky Baş akademiki drama teatry, teatr möwsümini Arkadagymyzyň döredijiligine esaslanyp sahnalaşdyrylan «Dutar owazlary» atly spektakly bilen açýar. Spektaklyň saýlanyşy tötänleýin däl, onuň esasynda türkmen halkynyň medeni mirasynda parahatçylyk söýgüsi bilen aýratyn orun eýelän Şükür bagşy hakynda gürrüň berilýär.
Şükür bagşy obadaşlarynyň arasynda ýüze çykan dawa döwründe dutaryň parahatçylykly owazy bilen gazaply gandöküşlige garşy çykyp, halk arasynda beýik abraý gazanýar. Dutarda saz çalmak bäsleşiginde Şükür bagşy ýeňiji bolup çykýar we şertnamanyň esasynda Patyşa onuň doganyny azatlyga goýberýär
Spektakl ilkinji gezek 2019-njy ýylda Türkmenistanyň halk artisti Kakajan Aşyrow tarapyndan sahnalaşdyryldy. Baş keşbi ýerine ýetirmek üçin režissýor adaty teatr artistini däl-de, Gyzylarbat şäherinde ýaşaýan ussat dutarçy – Resul Baryýewi saýlady. Sebäbi bu eserde baş gahryman hökmünde Şükür bagşynyň sazy çykyş edýär. Netije garaşylyşyndan hem ýokary boldy. Şeýle-de bolsa, welaýatdan gelen ýerine ýetiriji bilen bagly käbir guramaçylyk kynçylyklary ýüze çykyp, režissýor onuň ýerine teatr toparyndan başga bir dalaşgäri gözlemeli boldy. Netijede dutarda, gitara we klawiaturada çalyp bilýän, estrada wokalyny ýerine ýetirip bilýän, sahnada oýnamaga ukyby bar bolan ýaş artist Serdar Artykow saýlanyldy.
Türkmenistanyň sungatda at gazanan işgäri Maksat Amangylyjow spektaklyň sahna bezegini türkmen keşde nagyşynyň ulaldylan görnüşi bilen bezedi. Nury Halmämmedowyň «Bäsleşik» filmine ýazan owazly sazy keşde nagyşlarynda hem duýulyp, sahnadaky milli ruhy has-da baýlaşdyrdy.
Teatr möwsüminiň açylyşyna gelen tomaşaçylary ýene-de «Dutar owazy» spektaklynyň dramatik wakalary gurşap aldy we Şükür bagşa doganyny azat eden täsirli wakasy üçin hoşallyk bilen el çarpdylar.
– Men Şükür bagşynyň keşbini ýerine ýetirmegi höwes bilen kabul etdim – diýip, Serdar Artykow gürrüň berýär. – Käwagt sahnadaky durmuşyň öz durmuşymdan has gyzyklydygyny duýýardym. Meniň Özbek komediýasy «Hakykaty aýt» spektaklynda Şüküriň, «Söýýänleriňiz bilen aýrylyşmaň» spektaklynda Mitýanyň, hem-de «Kabyl we Habyl» gadymy tragediýasynda Habylyň keşplerini ýerine ýetirmek miýesser etdi. Her bir keşpde öz döwri, öz häsiýeti we dünýäsi bar. Men bir keşpden beýlekisine geçýärin – bu meniň kärim. Şükür bagşynyň keşbi bolsa meniň üçin iň ýakyny. Men onuň ýaly bolup, adamlara şatlyk getirmek isleýärin.
