Ženewada Halkara zähmet guramasynyň (HZG) Halkara zähmet maslahatynyň 114-nji sessiýasynyň çäklerinde Türkmenistanyň Zähmet we ilaty durmuş taýdan goramak ministri M.Sylapowyň Halkara zähmet guramasynyň Baş direktory Gilbert Hungbo bilen duşuşygy geçirildi.

Duşuşygyň dowamynda taraplar hyzmatdaşlygyň derwaýys meselelerini ara alyp maslahatlaşdylar, HZG-nyň alyp barýan işiniň esasy ugurlary boýunça pikir alyşdylar hem-de zähmet we durmuş goraglylygy ulgamynda hyzmatdaşlygy ösdürmegiň mümkinçiliklerine garadylar.

Duşuşykda iki tarap hem işjeň dialogy dowam etdirmäge hem-de bilelikdäki başlangyçlary ýerine ýetirmäge taýýardyklaryny tassykladylar.