Şu gün hor­mat­ly Prezidentimiz Serdar Berdimuhamedow Ko­re­ýa Res­pub­li­ka­sy­na döw­let sa­pa­ry­nyň çäk­le­rin­de Türk­men-ko­reý işe­wür­lik mas­la­ha­ty­nyň ýo­ka­ry de­re­je­li mej­li­si­ne gat­naş­dy.

Gahryman Arkadagymyzyň baş­lan­gyç­la­ry, hor­mat­ly Prezidentimiziň ta­gal­la­la­ry ne­ti­je­sin­de Türk­me­nis­tan bi­len Ko­re­ýa Res­pub­li­ka­sy­nyň ara­syn­da­ky söw­da-yk­dy­sa­dy gat­na­şyk­lar hil taý­dan tä­ze de­re­jä çy­ka­ryl­ýar. Iki ýur­duň ara­syn­da­ky hyz­mat­daş­lyk stra­te­gik hä­si­ýe­te eýe bo­lup, deň­hu­kuk­ly­lyk, uzak möh­let­le­ýin­lik esa­syn­da yzy­gi­der­li ös­dü­ril­ýär. Türk­men-ko­reý söw­da-yk­dy­sa­dy hyz­mat­daş­ly­gy se­na­gat, ener­ge­ti­ka, gaz­hi­mi­ýa ýa­ly mö­hüm pu­dak­la­ry öz içi­ne al­ýar. Öň­de­ba­ry­jy ko­reý kom­pa­ni­ýa­la­ry Türk­me­nis­tan­da amala aşy­ryl­ýan giň ge­rim­li inf­rast­ruk­tu­ra taslamalaryna iş­jeň gat­naş­ýar­lar. Şu­nuň bi­len bir ha­tar­da, ulag-kom­mu­ni­ka­si­ýa, san­ly­laş­dyr­mak, ýo­ka­ry teh­no­lo­gi­ýa­lar, «ýa­şyl» ener­ge­ti­ka ul­gam­la­ryn­da hem ne­ti­je­li gat­na­şyk­la­ryň gi­ňel­dil­me­gi­ne aý­ra­tyn üns be­ril­ýär. Şun­da Söw­da, yk­dy­sa­dy, yl­my we teh­no­lo­gik hyz­mat­daş­lyk bo­ýun­ça hö­kü­me­ta­ra türk­men-ko­reý to­pa­ry­nyň hem-de «Türk­me­nis­tan — Ko­re­ýa Res­pub­li­ka­sy» işe­wür­lik ge­ňe­şi­niň alyp bar­ýan iş­le­ri­ne uly orun de­giş­li­dir.

Ýurt­la­ry­my­zyň ara­syn­da işe­wür­lik ug­ry bo­ýun­ça öza­ra gat­na­şyk­la­ryň köp­ta­rap­la­ýyn esas­da, hu­su­san-da, «Mer­ke­zi Azi­ýa — Ko­re­ýa Res­pub­li­ka­sy» for­ma­ty­nyň çäk­le­rin­de ös­dü­ril­ýän­di­gi­ni bel­le­mek ge­rek. 2023-nji ýy­lyň no­ýab­ryn­da Aş­ga­bat­da bu for­mat­da­ky hyz­mat­daş­lyk fo­ru­my­nyň mi­nistr­ler de­re­je­sin­dä­ki 16-njy mej­li­si­niň çäk­le­rin­de işe­wür­lik ge­ňe­şi­niň 4-nji mej­li­si, «Mer­ke­zi Azi­ýa — Ko­re­ýa Res­pub­li­ka­sy» gör­nü­şin­de ýaş te­le­ke­çi­le­riň işe­wür­lik fo­ru­my ge­çi­ri­lip­di. 2024-nji ýy­lyň iýu­nyn­da paý­tag­ty­myz­da no­bat­da­ky Türk­men-ko­reý işe­wür­lik mas­la­ha­ty gu­ral­dy. Yzy­gi­der­li esas­da ge­çi­ril­ýän şeý­le işe­wür­lik du­şu­şyk­la­ry ne­ti­je­li söw­da-yk­dy­sa­dy gat­na­şyk­la­ry gi­ňelt­mek hem-de di­wer­si­fi­ka­si­ýa­laş­dyr­mak, ma­ýa go­ýum iş­jeň­li­gi­ni art­dyr­mak üçin meý­dan­ça bo­lup hyz­mat ed­ýär. Şu ge­zek­ki Türk­men-ko­reý işe­wür­lik mas­la­ha­ty-da iki ýur­duň ara­syn­da­ky kö­pu­gur­ly hyz­mat­daş­ly­gy has-da çuň­laş­dyr­mak­da, bi­le­lik­dä­ki tä­ze taslamalary dur­mu­şa ge­çir­mek­de, işe­wür­lik gat­na­şyk­la­ry­ny ös­dür­mek­de mö­hüm äh­mi­ýe­te eýe­dir.

Türk­men-ko­reý işe­wür­lik mas­la­ha­ty­nyň öňü­sy­ra­syn­da hor­mat­ly Prezidentimiz türk­men te­le­ke­çi­le­ri­niň ön­dü­ren önüm­le­ri­niň ser­gi­si bi­len ta­nyş­dy. Ser­gi­de ýur­du­my­zyň işe­wür dü­züm­le­ri­niň ön­dür­ýän önüm­le­ri, dür­li gör­nüş­li se­na­gat ha­ryt­la­ry gör­ke­zil­ýär. Bu önüm­ler hä­zir­ki dö­wür­de milli işe­wür­li­giň ösü­şiň tä­ze de­re­je­si­ne çy­kan­dy­gy­nyň aý­dyň be­ýa­ny­na öw­rül­di. Döw­let de­re­je­sin­de uly üns be­ril­me­gi bi­len, ýur­du­my­zyň hu­su­sy ul­ga­my­nyň yk­dy­sa­dy­ýe­ti­miz­de eýe­le­ýän or­ny yzy­gi­der­li ber­ki­dil­ýär.

Ser­gi­niň ýur­du­my­zyň ýe­ňil se­na­ga­ty­na de­giş­li bö­lü­mi köp­dür­lü­li­gi, hil ba­bat­da ýo­ka­ry ta­lap­la­ra la­ýyk gel­ýän­di­gi bi­len ta­pa­wut­lan­ýar. Bu ýer­de ha­ly we ha­ly önüm­le­ri, dok­ma se­na­ga­ty­na de­giş­li önüm­le­riň giň gör­nüş­le­ri gör­ke­zil­ýär. Şeý­le-de bu ýer­de te­le­ke­çi­le­riň gur­lu­şyk, se­na­gat önüm­çi­li­gin­de ga­zan­ýan üs­tün­lik­le­ri­ne aý­ra­tyn orun ber­lip­dir. Mu­nuň özi türk­men te­le­ke­çi­le­ri­niň hal­ka­ra ba­zar­la­ra çyk­mak­la­ry we da­şa­ry ýurt­ly hyz­mat­daş­lar bi­len söw­da-yk­dy­sa­dy gat­na­şyk­la­ry iş­jeň­leş­dir­mek­le­ri üçin giň müm­kin­çi­lik­le­ri dö­red­ýär. Bu ýer­de «Arkadag Me­di­si­na Klas­te­ri Me­nej­ment» kär­ha­na­sy ta­ra­pyn­dan ön­dü­ril­ýän önüm­le­re-de orun ber­lip­dir. Gahryman Arkadagymyzyň ta­gal­la­la­ry bi­len dö­re­di­len kär­ha­na ça­ga iý­mit­le­ri bi­len bir ha­tar­da, luk­man­çy­lyk we aras­sa­çy­lyk iş­le­rin­de ula­nyl­ýan se­riş­de­le­ri hem ön­dür­ýär. Kär­ha­na­da ön­dü­ril­ýän önüm­le­re «Hil me­nej­men­ti­niň ul­ga­my» di­ýen ugur bo­ýun­ça TDS ISO 9001 gü­wä­na­ma­sy­nyň be­ril­me­gi ola­ryň ýo­ka­ry hil de­re­je­si­ni tas­syk­la­ýar.

Umu­man, bu ser­gi türk­men te­le­ke­çi­le­ri­niň milli yk­dy­sa­dy­ýe­ti­mi­ziň ok­gun­ly ösü­şin­de mö­hüm orun eýe­le­ýän­dik­le­ri­niň, ýur­du­myz­da hu­su­sy pu­da­gyň ös­dü­ril­me­gi ug­run­da äh­li müm­kin­çi­lik­le­riň dö­re­dil­ýän­di­gi­niň aý­dyň gü­wä­si­ne öw­rül­di.

Ser­gi bi­len ta­nyş­lyk­dan soň­ra, döw­let Baş­tu­ta­ny­myz Türk­men-ko­reý işe­wür­lik mas­la­ha­ty­nyň ýo­ka­ry de­re­je­li mej­li­si­ne gat­naş­dy. Mas­la­ha­tyň ýo­ka­ry de­re­je­li mej­li­si açyk diý­lip yg­lan edi­len­den soň­ra, çy­kyş et­mek üçin hor­mat­ly Prezidentimize söz be­ril­di.

Döw­let Baş­tu­ta­ny­myz fo­ru­ma gat­na­şy­jy­la­ry mä­hir­li mü­bä­rek­läp, çy­kyş et­mä­ge ça­ky­lyk üçin gu­ra­ma­çy­la­ra min­net­dar­lyk bil­dir­di hem-de hä­zir­ki dö­wür­de öň­de­ba­ry­jy ko­reý kom­pa­ni­ýa­la­ry­nyň ýol­baş­çy­la­ry we we­kil­le­ri bi­len Türk­me­nis­ta­nyň hem-de Ko­re­ýa Res­pub­li­ka­sy­nyň ara­syn­da söw­da-yk­dy­sa­dy we ma­ýa go­ýum ul­gam­la­ryn­da hyz­mat­daş­ly­gy mun­dan beý­läk-de ös­dür­me­giň gel­je­gi uly taslamalarynyň ara al­nyp mas­la­hat­la­şyl­ýan­dy­gy­ny aýt­dy.

Bel­le­ni­li­şi ýa­ly, iki ýur­dy uzak wagt­dan bä­ri do­wam edip gel­ýän hoş­ni­ýet­li gat­na­şyk­lar bag­la­nyş­dyr­ýar. Bu gat­na­şyk­lar­da yk­dy­sa­dy hyz­mat­daş­lyk aý­ra­tyn or­ny eýe­le­ýär. Türk­me­nis­ta­nyň Ga­raş­syz­lyk ýyl­la­ryn­da ko­reý kom­pa­ni­ýa­la­ry ýur­du­myz­da iş­le­me­giň uly tej­ri­be­si­ni top­la­dy­lar. Şu­nuň bi­len bag­ly­lyk­da, «LX In­ter­na­tio­nal Corp.» we «Hy­un­dai En­gi­nee­ring Co., Ltd.» kom­pa­ni­ýa­la­ry­nyň gat­naş­ma­gyn­da «Gal­ky­nyş» gaz kä­ni bo­ýun­ça te­bi­gy ga­zy kü­kürt­den aras­sa­laý­jy za­wo­dyň, Gy­ýan­ly­da­ky po­li­mer za­wo­dy­nyň gur­lu­şyk­la­ry­ny gör­kez­mek bo­lar. Şeý­le hem «SK Net­works» kom­pa­ni­ýa­sy­nyň gat­naş­ma­gyn­da Aş­ga­bat şä­he­rin­de ýol he­re­ke­ti­niň howp­suz­lyk ul­gam­la­ry­ny gur­na­mak we kon­sul­ta­tiw hyz­mat et­mek iş­le­ri dur­mu­şa ge­çi­ril­di. Türk­me­nis­ta­nyň jem­gy­ýet­çi­lik ulag­la­ry­nyň esa­sy bö­le­gi­ni Ko­re­ýa­da ön­dü­ri­len aw­to­bus­lar hem-de ýe­ňil aw­tou­lag­la­ry düz­ýär.

Hor­mat­ly Prezidentimiz hä­zir­ki dö­wür­de ýur­du­myz­da «Dae­woo En­gi­nee­ring & Const­ructi­on Co., Ltd.», «Ko­ryo Ship­bu­il­ding In­dust­ry Techno­lo­gy Co., Ltd.», «Ko­rea Me­di­tech Co., Ltd.» we beý­le­ki ko­reý kom­pa­ni­ýa­la­ry­nyň gat­naş­ma­gyn­da ma­ýa go­ýum taslamalarynyň bir­nä­çe­si­niň dur­mu­şa ge­çi­ril­ýän­di­gi­ni nyg­tap, gel­jek­ki taslamalar bo­ýun­ça gep­le­şik­le­riň al­nyp ba­ryl­ýan­dy­gy­ny, ýa­kyn gel­jek­de ola­ry dur­mu­şa ge­çir­mä­ge ba­dal­ga be­ril­jek­di­gi­ni aýt­dy.

Nyg­ta­ly­şy ýa­ly, hä­zir­ki wagt­da Türk­me­nis­tan­da ko­reý kom­pa­ni­ýa­la­ry­nyň gat­naş­ma­gyn­da umu­my ba­ha­sy 12 milliard ame­ri­kan dol­la­ryn­dan gow­rak bo­lan 17 sa­ny ma­ýa go­ýum tas­la­ma­sy ha­sa­ba alyn­dy. Bu bol­sa ko­reý işe­wür­li­gi­niň Türk­me­nis­ta­na yg­ty­bar­ly hyz­mat­daş hök­mün­de ga­ra­ýan­dy­gy­nyň we bi­ziň gat­na­şyk­la­ry­my­zyň uly müm­kin­çi­lik­le­ri­niň bar­dy­gy­nyň aý­dyň gü­wä­si­dir. Döw­let Baş­tu­ta­ny­myz ýur­du­my­zyň Ko­re­ýa Res­pub­li­ka­sy­na di­ňe bir mö­hüm teh­no­lo­gik we ma­ýa go­ýum hyz­mat­da­şy däl, eý­sem, se­na­ga­ty döw­re­bap­laş­dyr­mak­da, san­ly­laş­dyr­mak­da, ýo­ka­ry teh­no­lo­gi­ýa­ly önüm­çi­lik­le­ri ös­dür­mek­de öň­de­ba­ry­jy tej­ri­bä eýe bo­lan döw­let hök­mün­de-de ga­ra­ýan­dy­gy­ny aý­dyp, Türk­me­nis­ta­nyň hem, öz no­ba­tyn­da, uly te­bi­gy se­riş­de­le­re, dur­nuk­ly ener­ge­ti­ka bin­ýa­dy­na, amat­ly ge­og­ra­fik ýer­le­şi­şe, iri ma­ýa go­ýum taslamalaryny amala aşyr­mak üçin giň müm­kin­çi­lik­le­re eýe­di­gi­ne ün­si çek­di. Şu­nuň bi­len bag­ly­lyk­da, ýur­du­my­zyň ne­bit­gaz, hi­mi­ýa, ener­ge­ti­ka, ulag ýa­ly pu­dak­la­ra ko­reý teh­no­lo­gi­ýa­la­ry­ny, ma­ýa go­ýum­la­ry­ny we do­lan­dy­ryş tej­ri­be­si­ni çek­mä­ge gy­zyk­lan­ma bil­dir­ýän­di­gi aý­dyl­dy.

Ulag-lo­gis­ti­ka, üp­jün­çi­lik ul­gam­la­ry­ny ös­dür­mek gel­je­gi uly ugur bo­lup dur­ýar. Türk­me­nis­tan Mer­ke­zi Azi­ýa­ny Ha­zar se­bi­ti hem-de hal­ka­ra ulag ge­çel­ge­le­ri­niň beý­le­ki ugur­la­ry bi­len bir­leş­dir­ýän Ýew­ra­zi­ýa yk­ly­my­nyň mö­hüm ulag-lo­gis­ti­ka mer­ke­zi hök­mün­de öz or­nu­ny ber­kit­mek­de uly müm­kin­çi­lik­le­re eýe­dir. Şo­ňa gö­rä, Arkadagly Gahryman Serdarymyz Türk­me­nis­ta­nyň ko­reý kom­pa­ni­ýa­la­ry­nyň de­giş­li üp­jün­çi­lik ul­gam­la­ry­nyň taslamalaryna gat­naş­ma­gy­na se­ret­mä­ge taý­ýar­dy­gy­ny tas­syk­la­dy.

Ko­reý kom­pa­ni­ýa­la­ry­nyň iri önüm­çi­lik taslamalaryny amala aşyr­mak­da baý tej­ri­be­si bar. Mu­nuň özi mi­ne­ral dö­kün­le­ri, ne­bit­hi­mi­ýa önüm­le­ri­ni we beý­le­ki se­na­gat önüm­le­ri­niň gör­nüş­le­ri­ni ön­dür­mä­ge ni­ýet­le­nen tä­ze baş­lan­gyç­lar üçin go­wy şert­le­ri dö­red­ýär. Şeý­le hem hor­mat­ly Prezidentimiz luk­man­çy­lyk, sag­ly­gy go­ra­ýyş ul­ga­myn­da hyz­mat­daş­ly­gyň müm­kin­çi­lik­le­ri­ni aý­ra­tyn bel­läp, hä­zir­ki dö­wür­de ko­reý kom­pa­ni­ýa­sy­nyň Arkadag şä­he­rin­de luk­man­çy­lyk klas­te­ri­ni dö­ret­mä­ge gat­naş­ýan­dyk­la­ry­ny, türk­men ta­ra­py­nyň mu­ňa öň­de­ba­ry­jy luk­man­çy­lyk teh­no­lo­gi­ýa­la­ry­ny mun­dan beý­läk-de or­naş­dyr­mak, hü­när­men­le­ri taý­ýar­la­mak üçin gel­je­gi uly ugur­la­ryň bi­ri hök­mün­de ga­ra­ýan­dy­gy­ny aýt­dy.

Arkadagly Gahryman Serdarymyz ýur­du­my­zyň gel­je­gi uly bi­le­lik­dä­ki taslamalary dur­mu­şa ge­çir­mek­de Ko­re­ýa­nyň işe­wür­ler jem­gy­ýet­çi­li­gi­ne äh­li ze­rur şert­le­ri dö­ret­mä­ge we ola­ra hem­me­ta­rap­la­ýyn gol­daw ber­mä­ge taý­ýar­dy­gy­ny bel­läp, şu du­şu­şy­gyň iki ýur­duň ara­syn­da­ky işe­wür­lik hyz­mat­daş­ly­gy­ny ber­kit­mek­de no­bat­da­ky mö­hüm ädim bol­jak­dy­gy­na we iki ta­ra­pyň bäh­bit­le­ri­ne la­ýyk gel­ýän tä­ze anyk taslamalary kes­git­le­mä­ge müm­kin­çi­lik ber­jek­di­gi­ne ynam bil­dir­di.

Döw­let Baş­tu­ta­ny­my­zyň çy­ky­şy uly üns bi­len diň­le­nil­di.

Soň­ra çy­kyş et­mek üçin Ko­re­ýa Res­pub­li­ka­sy­nyň Prem­ýer-mi­nist­ri ha­nym Han Son Su­ka söz be­ril­di. Ol hem­me­le­ri Türk­men-ko­reý işe­wür­lik mas­la­ha­ty­nyň açyl­ma­gy bi­len tüýs ýü­rek­den gut­lap, Ko­re­ýa Res­pub­li­ka­sy­na il­kin­ji döw­let sa­pa­ry­ny amala aşyr­ýan hor­mat­ly Prezidentimizi we Türk­me­nis­ta­nyň we­ki­li­ýe­ti­niň ag­za­la­ry­ny mä­hir­li mü­bä­rek­le­di hem-de ko­reý işe­wür­le­ri bi­len du­şu­şyp, hyz­mat­daş­lygyň ugur­la­ry­ny ara alyp mas­la­hat­laş­ýan­dy­gy üçin döw­let Baş­tu­ta­ny­my­za aý­ra­tyn ho­şal­lyk bil­dir­di.

Bel­le­ni­li­şi ýa­ly, Türk­me­nis­ta­nyň Prezidentiniň teh­ni­ki ylym­la­ryň dok­to­ry alym­lyk de­re­je­si we ener­ge­ti­ka se­na­ga­ty ba­ra­da­ky çuň­ňur bi­li­mi şu du­şu­şy­gyň ma­ny-maz­mu­ny­ny has-da art­dyr­ýar. Şeý­le hem Prem­ýer-mi­nistr Ko­re­ýa­da be­ýik türk­men şa­hy­ry we akyl­da­ry Mag­tym­gu­ly Py­ra­gy­nyň goş­gu­la­ryn­da ag­zy­bir­lik ýö­rel­ge­le­ri­ni wasp eden­di­gi­niň go­wy bi­lin­ýän­di­gi­ni aý­dyp, şu du­şu­şy­gyň hem şeý­le be­lent ruh­da ge­çi­ril­jek­di­gi­ne, iki ýur­duň Hö­kü­met­le­ri­niň, işe­wür to­par­la­ry­nyň bi­le­lik­de hyz­mat­daş­lygyň täze ýol­la­ry­ny aç­jak­dy­gy­na ynam bil­dir­di.

Ha­nym Han Son Suk top­la­nan tej­ri­bä da­ýa­nyp, yk­dy­sa­dy hyz­mat­daş­lyk­da iki ýur­duň öňün­de du­ran 3 esa­sy ug­ry bel­le­di. Olar ener­ge­ti­ka we inf­rast­ruk­tu­ra des­ga­la­ry­nyň gur­lu­şy­gy; gä­mi gur­lu­şy­gy we ulag-lo­gis­ti­ka; bi­le­lik­de hü­när­men­le­ri taý­ýar­la­mak bo­ýun­ça hyz­mat­daş­ly­gy öz içi­ne al­ýar. Iki ýur­duň ara­syn­da­ky yk­dy­sa­dy hyz­mat­daş­ly­gyň dur­nuk­ly ös­me­gi üçin Aş­ga­bat­da­ky Pa­ty­şa Se­jong ins­ti­tu­ty ar­ka­ly me­de­ni alyş­ma­la­ry ös­dür­mek bi­len bir ha­tar­da, teh­ni­ki hü­när­men­le­ri taý­ýar­la­mak işi hem ut­gaş­dy­ryl­ma­ly­dyr. Şu­nuň bi­len bag­ly­lyk­da, Prem­ýer-mi­nistr Ko­re­ýa­nyň uni­wer­si­tet­le­riň ara­syn­da­ky hyz­mat­daş­ly­gy, teh­ni­ki bi­li­mi, amaly tej­ri­be­le­ri gi­ňelt­mek esa­syn­da hü­när­men­le­ri taý­ýar­la­ma­ga ýar­dam ber­jek­di­gi­ni aýt­dy.

Ha­nym Han Son Suk çy­ky­şy­nyň ahy­ryn­da şu du­şu­şy­gyň iki ýur­duň kom­pa­ni­ýa­la­ry üçin tä­ze ma­ýa go­ýum müm­kin­çi­lik­le­ri­ni aç­ma­ga, öz amaly pi­kir­le­ri­ni hor­mat­ly Prezidentimize we Hö­kü­met we­kil­le­ri­ne ýe­tir­mä­ge uly müm­kin­çi­lik dö­red­ýän­di­gi­ni aý­dyp, Ko­re­ýa Res­pub­li­ka­sy­nyň Hö­kü­me­ti­niň te­le­ke­çi­le­riň tä­ze baş­lan­gyç­la­ry­ny köp­ta­rap­la­ýyn gol­da­ma­ga taý­ýar­dy­gy­ny tas­syk­la­dy.

Soň­ra Ko­re­ýa­nyň Hal­ka­ra söw­da as­so­sia­si­ýa­sy­nyň baş­ly­gy Jin Sik Ýun çy­kyş edip, hor­mat­ly Prezidentimizi Ko­re­ýa Res­pub­li­ka­syn­da tüýs ýü­rek­den mü­bä­rek­le­di hem-de şu mas­la­ha­ta gat­naş­ýan­dy­gy üçin ho­şal­ly­gy­ny be­ýan et­di.

Bel­le­ni­li­şi ýa­ly, 1992-nji ýyl­da dip­lo­ma­tik gat­na­şyk­lar ýo­la goý­lan wag­tyn­dan bä­ri Ko­re­ýa Res­pub­li­ka­sy we Türk­me­nis­tan öza­ra yna­nyş­ma­gyň hem-de hor­mat goý­ma­gyň esa­syn­da dür­li ul­gam­lar­da ýa­kyn hyz­mat­daş­ly­gy yzy­gi­der­li ös­dür­ýär­ler. Şu­nuň bi­len bag­ly­lyk­da, Jin Sik Ýun ko­reý kom­pa­ni­ýa­la­ry­nyň öň­de­ba­ry­jy se­na­gat teh­no­lo­gi­ýa­la­ry­nyň, iri taslamalary amala aşyr­mak­da­ky ba­şar­nyk­la­ry­nyň Türk­me­nis­ta­nyň baý te­bi­gy se­riş­de­le­ri we uly ösüş müm­kin­çi­lik­le­ri bi­len ut­gaş­dy­ryl­ma­gy­nyň iki ta­rap üçin hem ýo­ka­ry ne­ti­je­le­ri ber­jek­di­gi­ne ynam bil­dir­di. Nyg­ta­ly­şy ýa­ly, ge­çen ýyl­la­ryň do­wa­myn­da ýurt­la­ry­myz ener­ge­ti­ka, se­na­gat, gur­lu­şyk, ulag, inf­rast­ruk­tu­ra ul­gam­la­ryn­da hyz­mat­daş­ly­gyň berk bin­ýa­dy­ny ke­ma­la ge­tir­di­ler. Hä­zir­ki dö­wür­de öza­ra hyz­mat­daş­lyk gä­mi gur­lu­şy­gy, sag­ly­gy go­ra­ýyş, luk­man­çy­lyk, san­ly teh­no­lo­gi­ýa­lar, eko­lo­gi­ýa ugur­la­ry­ny hem öz içi­ne alyp, yzy­gi­der­li gi­ňel­me­gi­ni do­wam et­dir­ýär.

2019-njy ýyl­da Ko­re­ýa­nyň Hal­ka­ra söw­da as­so­sia­si­ýa­sy Türk­me­nis­ta­nyň Söw­da-se­na­gat eda­ra­sy bi­len bi­le­lik­de «Ko­re­ýa — Türk­me­nis­tan» işe­wür­lik ge­ňe­şi­ni dö­ret­di. Şol dö­wür­den bä­ri bu ge­ňeş iki ýur­duň işe­wür to­par­la­ry­nyň ara­syn­da­ky hyz­mat­daş­ly­gy ös­dür­mek­de mö­hüm we­zi­pä­ni ýe­ri­ne ýe­ti­rip gel­ýär. Çy­ky­şy­nyň ahy­ryn­da Jin Sik Ýun ýol­baş­çy­lyk ed­ýän as­so­sia­si­ýa­sy­nyň iki ýur­duň kom­pa­ni­ýa­la­ry­nyň ara­syn­da­ky gat­na­şyk­la­ry has-da ber­kit­mek ba­bat­da äh­li ta­gal­la­la­ry et­jek­di­gi­ne ynan­dyr­dy hem-de Ko­re­ýa Res­pub­li­ka­sy­na amala aşyr­ýan döw­let sa­pa­ry üçin hor­mat­ly Prezidentimize ýe­ne-de bir ge­zek ho­şal­ly­gy­ny be­ýan et­di.

Soň­ra Türk­me­nis­tan bi­len Ko­re­ýa Res­pub­li­ka­sy­nyň ara­syn­da­ky dost­luk­ly gat­na­şyk­la­ry, öza­ra yna­nyş­ma­gy, yk­dy­sa­dy hyz­mat­daş­ly­gy pug­ta­lan­dyr­ma­ga go­şan go­şan­dy üçin Ko­re­ýa­nyň Hal­ka­ra söw­da as­so­sia­si­ýa­sy­nyň adyn­dan hor­mat­ly Prezidentimiz Serdar Berdimuhamedowa Hor­mat ny­şa­ny we ýö­ri­te şa­ha­dat­na­ma gow­şu­ryl­dy.

Türk­men-ko­reý işe­wür­lik mas­la­ha­ty­nyň ýo­ka­ry de­re­je­li mej­li­si ta­mam­la­nan­dan soň­ra, hor­mat­ly Prezidentimiz hem­me­le­re üs­tün­lik­le­ri ar­zuw edip, bu ýer­den ug­ra­dy.

Soň­ra Türk­men-ko­reý işe­wür­lik mas­la­ha­ty do­wam et­di. Fo­ru­myň do­wa­myn­da Türk­me­nis­tan bi­len Ko­re­ýa Res­pub­li­ka­sy­nyň ara­syn­da söw­da-yk­dy­sa­dy we ma­ýa go­ýum hyz­mat­daş­ly­gy­nyň müm­kin­çi­lik­le­ri jik­me-jik ara al­nyp mas­la­hat­la­şyl­dy. Çy­kyş eden we­kil­ler öza­ra gat­na­şyk­la­ryň esa­sy ugur­la­ry­ny kes­git­le­mek­de şu ge­zek­ki du­şu­şy­gyň äh­mi­ýe­ti­ni nyg­ta­dy­lar. Şun­da ko­reý işe­wür to­par­la­ry­nyň ýur­du­myz­da amala aşy­ryl­ýan giň möç­ber­li inf­rast­ruk­tu­ra taslamalarynyň dur­mu­şa ge­çi­ril­me­gi­ne gat­naş­ma­ga gy­zyk­lan­ma bil­dir­ýän­dik­le­ri tas­syk­la­nyl­dy.

Nyg­ta­ly­şy ýa­ly, Türk­me­nis­tan­da amala aşy­ryl­ýan we yk­dy­sa­dy­ýe­ti in­no­wa­si­on taý­dan ös­dür­mä­ge, se­na­gat­laş­dyr­ma­ga, di­wer­si­fi­ka­si­ýa­laş­dyr­ma­ga gö­nük­di­ri­len öň­den­gö­rü­ji­lik­li stra­te­gi­ýa öza­ra bäh­bit­li hyz­mat­daş­ly­gy iş­jeň­leş­dir­mek üçin giň müm­kin­çi­lik­le­ri aç­ýar. Şun­da gaz­hi­mi­ýa, ener­ge­ti­ka, ulag-ara­gat­na­şyk, lo­gis­ti­ka, gä­mi gur­lu­şy­gy, se­na­gat, gur­lu­şyk, inf­rast­ruk­tu­ra, eko­lo­gi­ýa, «ýa­şyl» teh­no­lo­gi­ýa­la­ry or­naş­dyr­mak hyz­mat­daş­ly­gyň gel­je­gi uly ugur­la­ry­nyň ha­ta­ryn­da bel­le­nil­di. Şu­nuň bi­len bir ha­tar­da, bi­lim, ylym, sag­ly­gy go­ra­ýyş, me­de­ni­ýet ul­gam­la­ryn­da­ky gat­na­şyk­la­ra uly äh­mi­ýet be­ril­ýär.

Soň­ra Türk­men-ko­reý işe­wür­lik mas­la­ha­ty­nyň ne­ti­je­le­ri bo­ýun­ça iki­ta­rap­la­ýyn resminamalara gol çek­mek da­ba­ra­sy bol­dy.

Şeý­le­lik­de, şu ge­zek­ki çä­re iki­ta­rap­la­ýyn işe­wür­lik hyz­mat­daş­ly­gy­nyň ge­ri­mi­ni gi­ňelt­mä­ge tä­ze iter­gi ber­di.