Ýurduň birnäçe sebitleriniň merkezlerinde Türkmenistanyň aýratyn goralýan tebigy çäklerinde ekosyýahatçylygy ösdürmek boýunça Türkmenistanyň aýratyn goralýan tebigy çäklerini ýaýratmak meselerine bagyşlanyp maslahatlar geçirildi. Bu maslahatlar Türkmenistanyň Tebigaty goramak ministrliginiň goldamagynda BMGÖM/GEF „Türkmenistanyň aýratyn goralýan tebigy çäklerini dolandyrmag ulgamynyň netijeliligini güýçlendirmek“ taslamasyna gatnaşylylary tarapyndan geçirildi. Şeýlelikde Maryda, Türkmenabatda we Türkmenbaşyda gyzyklanma bildirýän taraplar bilen Türkmenistanyň AGTÇ ulgamyny ösdürmegiň toplumlaýyn meýilnamasyny işläp taýýarlamak boýunça, hususanda, tebigaty öwrenmegiň täze ölçegleriniň ornaşdyrylmagy dowam etdirilýän Sünt-Hasardag döwlet goraghanasynyň binýadynda Sumbar milli seýilgähini döretmek boýunça çekişmeler geçirildi.

Maslahata gatnaşyjylar geljekki Sumbar milli seýilgähiniň gözden geçirilişiniň tanyşdyrylyşyny, Türkmenistanyň Tebigaty goramak ministrliginiň Tokaý hojalyk müdirliginiň, ýerden peýdalanjylaryň, Balkan welaýatynyň Magtymguly etrabynyň häkimliginiň we arçynlygynyň wekilleri bilen seýilgähe bölünip beriljek çäkleri zolaklara bölmegiň ilkinji netijelerini ara alyp maslahatlaşdylar. Ýakyn wagtda Baharly, Serdar we Bereket etraplarynyň adminstasiýalarynyň we ýerli jemgyýetçiligiň wekilleri bilen, şeýle hem ýurtda milli seýilgähleri döretmek we Türkmenistanyň syýahatçylyk mümkinçiliklerini ýokarlandymak boýunça okuwlar geçirmek meýilleşdirilýär.