Döwlet baştutanynyň ýakynda gol çeken Kararyna laýyklykda, Türkmenistanyň Milli sport we syýahatçylyk institutynda, Türkmen döwlet ulag we aragatnaşyk institutynda, Türkmen oba hojalyk uniwersitetinde hünär derejesini ýokarlandyryş fakultetleri açylar.
Türkmenistanyň Bilim ministrligi degişlilikde Türkmenistanyň Sport baradaky döwlet komiteti, Türkmenistanyň Aragatnaşyk, Awtomobil ulaglary, Demir ýol ulaglary, Oba hojalyk ministrlikleri we Türkmenistanyň Deňiz we derýa ýollary döwlet gullugy hünär derejesini ýokarlandyryş fakultetlerinde iki aýa çenli möhletli okuwlaryň guralmagyna borçly edildi.
Golaý wagtda täze fakultetlar hakynda Düzgünnamalar, hünär derejesini ýokarlandyryş, gaýtadan taýýarlaýyş okuwlarynyň meýilnamalary taýýarlanylar. Bu başlangyç sport, oba hojalyk, ulag we aragatnaşyk ulgamlaryny mundan beýläk-de ösdürmek, işgärleriň, hünär bilimlerini we endiklerini kämilleşdirmek, tälimçilere, ulag we oba hojalyk toplumlarynyň işgärlerine hünär we öz-özüňi kämilleşdirmek babatda giň mümkinçilikleri döretmek maksady kabul edilendir.
Şeýlelik bilen, milli ykdysadyýetiň dürli pudaklarynda hünärmenleriň hünär kämilligini ýokarlandyrmak üçin ýurtda bar bolan fakultetleriň, şol sanda Türkmenistanyň Prezidenti Gurbanguly Berdimuhamedowyň geçen ýylda kabul eden Kararyna laýyklykda guralan fakultetleriň üsti ýetiriler. Häzirki wagtda şeýle fakultetler eýýäm Magtymguly adyndaky türkmen döwlet uniwersitetinde, S.Seýdi adyndaky Türkmen döwlet mugallymçylyk institutynda , D.Azady adyndaky Türkmen milli dünýä dilleri institutynda, Halkara Nebit we gaz uniwersitetinde, Türkmen döwlet binagärlik-gurluşyk institutynda, Türkmen döwlet ykdysadyýet we dolandyryş institutynda hem-de Döwlet lukmançylyk uniwersitetinde hereket edýärler.
Häzirki wagtda hereket edýän fakultetlerde hünär derejesini ýokarlandyrmak boýunça işler işjeň alnyp barylýar. Meselem, Türkmenistanyň Döwlet lukmançylyk uniwersitetinde diplomdan soňky taýýarlaýyş we lukmanlary kämilleşdiriş fakultetinde lukmanlaryň hünär bilimini we endiklerini kämilleşdirmek, saglygy goraýyş işgärleriniň täze hünärleri özleşdirmekleri boýunça dürli möhletli okuwlar alnyp barylýar.
Häzirki wagtda ýokary okuw mekdepleriniň üçüsinde – döwlet uniwersitetinde, dil ýokary okuw mekdebinde we mugallymçylyk institutynda orta bilim berýän mekdepleriň we mekdebe çenli ýaşly çagalar edaralarynyň hünärmenleri üçin bir hepdelikden başlap iki aýa çenli möhletli hünär kämilleşdiriş okuwlary geçirilýär. Soňra ýörite işlenilip taýýarlanylan maksatnama boýunça nobatma-nobat başlangyç we orta hünär okuw mekdepleriniň mugallymlary hem-de ondan soňra ýokary okuw mekdepleriniň mugallymlary öz hünär okuwlaryny ýokarlandyrarlar.
Ýurduň ýokary okuw mekdeplerinde hünär kämilleşdiriş ulgamynyň yzygiderlilikde döredilmegi döwletiň milli ykdysadyýetiň dürli pudaklary üçin döwrüň talabyna we ýurduň innowasion taýdan ösdürilmegine laýyk gelýän işgärleri taýýarlamaga uly üns berýändigine şaýatlyk edýär.
Türkmenistanyň Bilim ministrligi degişlilikde Türkmenistanyň Sport baradaky döwlet komiteti, Türkmenistanyň Aragatnaşyk, Awtomobil ulaglary, Demir ýol ulaglary, Oba hojalyk ministrlikleri we Türkmenistanyň Deňiz we derýa ýollary döwlet gullugy hünär derejesini ýokarlandyryş fakultetlerinde iki aýa çenli möhletli okuwlaryň guralmagyna borçly edildi.
Golaý wagtda täze fakultetlar hakynda Düzgünnamalar, hünär derejesini ýokarlandyryş, gaýtadan taýýarlaýyş okuwlarynyň meýilnamalary taýýarlanylar. Bu başlangyç sport, oba hojalyk, ulag we aragatnaşyk ulgamlaryny mundan beýläk-de ösdürmek, işgärleriň, hünär bilimlerini we endiklerini kämilleşdirmek, tälimçilere, ulag we oba hojalyk toplumlarynyň işgärlerine hünär we öz-özüňi kämilleşdirmek babatda giň mümkinçilikleri döretmek maksady kabul edilendir.
Şeýlelik bilen, milli ykdysadyýetiň dürli pudaklarynda hünärmenleriň hünär kämilligini ýokarlandyrmak üçin ýurtda bar bolan fakultetleriň, şol sanda Türkmenistanyň Prezidenti Gurbanguly Berdimuhamedowyň geçen ýylda kabul eden Kararyna laýyklykda guralan fakultetleriň üsti ýetiriler. Häzirki wagtda şeýle fakultetler eýýäm Magtymguly adyndaky türkmen döwlet uniwersitetinde, S.Seýdi adyndaky Türkmen döwlet mugallymçylyk institutynda , D.Azady adyndaky Türkmen milli dünýä dilleri institutynda, Halkara Nebit we gaz uniwersitetinde, Türkmen döwlet binagärlik-gurluşyk institutynda, Türkmen döwlet ykdysadyýet we dolandyryş institutynda hem-de Döwlet lukmançylyk uniwersitetinde hereket edýärler.
Häzirki wagtda hereket edýän fakultetlerde hünär derejesini ýokarlandyrmak boýunça işler işjeň alnyp barylýar. Meselem, Türkmenistanyň Döwlet lukmançylyk uniwersitetinde diplomdan soňky taýýarlaýyş we lukmanlary kämilleşdiriş fakultetinde lukmanlaryň hünär bilimini we endiklerini kämilleşdirmek, saglygy goraýyş işgärleriniň täze hünärleri özleşdirmekleri boýunça dürli möhletli okuwlar alnyp barylýar.
Häzirki wagtda ýokary okuw mekdepleriniň üçüsinde – döwlet uniwersitetinde, dil ýokary okuw mekdebinde we mugallymçylyk institutynda orta bilim berýän mekdepleriň we mekdebe çenli ýaşly çagalar edaralarynyň hünärmenleri üçin bir hepdelikden başlap iki aýa çenli möhletli hünär kämilleşdiriş okuwlary geçirilýär. Soňra ýörite işlenilip taýýarlanylan maksatnama boýunça nobatma-nobat başlangyç we orta hünär okuw mekdepleriniň mugallymlary hem-de ondan soňra ýokary okuw mekdepleriniň mugallymlary öz hünär okuwlaryny ýokarlandyrarlar.
Ýurduň ýokary okuw mekdeplerinde hünär kämilleşdiriş ulgamynyň yzygiderlilikde döredilmegi döwletiň milli ykdysadyýetiň dürli pudaklary üçin döwrüň talabyna we ýurduň innowasion taýdan ösdürilmegine laýyk gelýän işgärleri taýýarlamaga uly üns berýändigine şaýatlyk edýär.
