Babadaýhan etrabynyň medeniýet merkezinde Ahal welaýatynyň çagalar sungat mekdepleriniň hor aýdymlaryny ýerine ýetirijileriniň we milli saz gurallary orkestriniň bäsleşigi geçirildi.

Milli saz gurallary orkestrleri “Çal bagşy, goý ýaňlansyn mukamyň sesi!” ady bilen bäsleşdiler. Aýdym-sazy söýýänler gadymy rowaýatlar we halk heňleriniň jümmüşine aralaşyp, ýatdan çykmajak täsirleri aldylar. Milli saz gurallarynda saz çalmak nesilden nesle geçip gelýär. Görnükli sungat ussatlary ählihalk söýgüsine mynasyp boldular. Häziki nesiller bolsa olaryň şöhratly ýollaryny mynasyp dowam etdirýärler. Bäsleşikde K.Geldimyradow adyndaky çagalar sungat mekdebiniň we Babadaýhan etrabynyň Ak altyn obasynyň sungat mekdebi ýeňiji bolmagy başardylar.


“Meniň ajaýyp ülkämde aýdym ýaňlanýar” ady bilen geçirilen hor toparlarynyň bäsleşigi tomaşaçylarda aýratyn gyzyklanma döretdi. Bäsleşigiň bu görnüşinde Tejen we Babadaýhan etraplarynyň Ak alaň obalarynyň çagalar hor toparlary birinji ýeri paýlaşdylar.