Bu ýokary okuw mekdebiniň wekilleri Russiýanyň Ylym we döredijilik jemgyýeti (Kazan ş.) tarapyndan guralan Halkara distansion olimpiadasynda üstünlikli çykyş etdiler.

Biziň ýurdumyzyň dil boýunça ýokary okuw mekdebiniň talyplarynyň on ýedisi çykyş etdiler. Olimpiadanyň jemleri boýunça biziň toparymyz baýrakly orunlaryň dördüsine mynasyp boldular. Iki sany ikinji orna talyp Tatýana Ýewdokimowa we mugallym Maýsa Myradowa eýelediler, üçünji orny bolsa Jeren Lollakowa we Mährijemal Çaryýewa eýelediler.

Talyplaryň ýene-de 3-si – Daýana Jumanyýazowa, Gülnar Orazberdiýewa we Leýla Rahmanowa baýrakly orunlara ýakyn bardylar. Olimpiada gatnaşyjy türkmen toparynyň umumy toparlaýyn netijesi iň gowylaryň biri diýlip, ykrar edildi. Biziň ýurdumyzyň dünýä edebiýatyny bilermenleri olimpiadanyň halkara guramaçylyk komiteti tarapyndan aýratyn öwgä mynasyp boldular.

Bäsleşige gatnaşyjylar öz söýgüli ýazyjylaryna, olaryň döredijilik mirasyna bagyşlanan işleri görkezdiler, olar öz eserlerinde adamyň şahsyýetini emele getirmek, onuň ruhy-ahlak gymmatlyklaryny emele getirmek babatda çeper edebiýatyň ähmiýetini nygtadylar.

D.Azady adyndaky TMDDI talyplarynyň we mugallymlarynyň halkara intellektual bäsleşigine gatnaşmaklary indi däbe öwrüldi. Bu ýokary oku mekdebiniň wekilleri birnäçe gezek ýeňiji bolmagy başardylar, abraýly diplomlara we baýraklara mynasyp boldular.