Aşgabatdan we ýurdumyzyň ähli welaýatlaryndan sekiz topar paýtagtymyzyň Olimpiýa şäherçesinde zenanlaryň arasynda futzal boýunça Türkmenistanyň Kubogy ugrunda ýaryşa girişdiler.

Ýaryşyň birinji tapgyrynda oňa gatnaşyjylar iki topara bölündi. «A» toparda: «Altyn Täç» (Aşgabat), «Olimp» (Mary welayaty), «Miras» (Lebap welayaty) we «Daşoguz» (Daşoguz welaýaty), «B» toparda - «Aşgabat» (Aşgabat), «Nokat» (Lebap welaýaty), «Ahal» (Ahal welaýaty) we «Balkan» (Balkan welaýaty) çykyş edýarler.

Iki tapgyrdan soň «Altyn täç» we «Olimp» 4 utuk bilen «A» toparda öňe çykdylar. Birinji tapgyrda bu toparlar öz arasynda 2:2 hasabynda deň oýnadylar, ikinji oýunda «Altyn täç» 11:1 hasabynda «Daşoguz» toparyny utdy, «Olimp» «Mirasy» 6:0 hasabynda ýeňdi . «Daşoguzy» 6:2 hasabynda utan «Mirasyň» öňdäki toparlardan bir utugy az.

«B» toparda toparlaryň ählisi bir ýeňiş gazandy we olaryň hersi 3 utuk toplady. Birinji tapgyrda «Aşgabat» «Balkany» 3:1 hasabynda utdy, «Ahal» «Nokat» toparyny 3:2 hasabynda ýeňdi, ikinji tapgyrda «Aşgabat» «Nokatdan» 0:1 hasabynda utuldy, «Balkan» topary «Ahal» toparyndan 2:1 hasabynda üstün çykdy.

Her topardan iň güýçli iki topar ýarym finala çykar.

Ýaryş 27-nji martda futzal boýunça zenan toparlarynyň arasynda Türkmenistanyň Kubogynyň ýeňijisiniň kesgitlejek soňky oýun bilen tamamlanar.