Türkmenistanyň wekiliýeti Ýaponiýanyň paýtagty Tokioda saparyň çäklerinde, ylym we bilim ulgamynda türkmen-ýapon hyzmatdaşlygyny ösdürmek boýunça möhüm duşuşyklary geçirdi.
Diplomatiýa ýokary mekdepleriniň ýolbaşçylary – Halkara gatnaşyklary institutynyň rektory Jumamyrat Gurbangeldiýewiň we Ýaponiýanyň halkara gatnaşyklary institutynyň Baş direktory, professor Tomiko Içikawanyň duşuşygynda hyzmatdaşlygyň geljegi derwaýys meseleleri ara alnyp maslahatlaşyldy. Duşuşyga Türkmenistanyň Ýaponiýadaky Ilçisi Atadurdy Baýramow hem-de iki tarapyň wekilleri gatnaşdylar.
Duşuşykda ylmy we akademiki hyzmatdaşlygy, bilermenler derejesinde gatnaşyklary ýola goýmak, ylmy-baralaglar neşirlerini guramak we bilelikde onlaýn-umumy sapaklary geçirmek mümkinçiliklerine garaldy. Ýaşlar syýasaty, hususan-da, ýaşlaryň halkara gatnaşyklarynda eýeleýän ornuny güýçlendirmekde we halkara ýaşlar hyzmatdaşlygy strategiýasyny durmuşa geçirmekde Türkmenistanda alnyp barylýan çärelere ýardam etmek meselesine üns berildi.
Türkmenistanyň Daşary işler ministrliginiň HGI-nyň rektorynyň Ýaponiýanyň halkara hyzmatdaşlygy agentliginiň Merkezi, Gündogar Aziýa we Kawkaz ýurtlary müdirliginiň (JICA) ýolbaşçysy Hirosawa Masaýuki hem-de ynsanperwer ösüş we ýokary bilim müdirliginiň ýolbaşçysy, bu agentligiň ýokary okuw mekdepleri bilen işmek boýunça bölüminiň başlygy Daýsuke Uýeda bilen duşuşygynda hem akademiki hyzmatdaşlygy we ylmy gatnaşyklary pugtalandyrmak meseleleri ara alnyp maslahatlaşyldy.
Duşuşykda JICA-nyň Türkmenistanyň Daşary işler ministrliginiň HGI-nyň okuw studiýasyny enjamlaşdyrmaga ýardam etmek teklibine, şeýle hem maglumat tehnologiýalary pudagyndaky hyzmatdaşlygy we ýapon tarapynyň gatnaşmagynda innowasiýa klasterini döretmek ýaly esasy meselelerde teklibine garalady. Talyplary alyşmak we ýaşlaryň halkara özara gatnaşyklary temalaryna aýratyn üns berildi.
Ara alnyp maslahatlaşylan meselelerde iki ýurduň arasyndaky hyzmatdaşlykda saldamly tejribe toplanandygy nygtaldy. Türkmenistanyň Daşary işler ministrliginiň HGI-nyň rektorynyň belleýşi ýaly, dürli ýyllarda HGI-iň talyplary we mugallymlary Ýaponiýanyň Halkara hyzmatdaşlygy boýunça agentliginiň (JICA) guran okuw saparlarynda Ýaponiýa baryp gördüler we alan tejribelerini institutyň bilim işinde üstünlikli durmuşa geçirdiler.
Tokioda Soka uniwersitetiniň we Türkmenistanyň Daşary işler ministrliginiň HGI-nyň ýolbaşçylarynyň hem-de Türkmenistanyň Ýaponiýadaky Ilçihanasynyň ýolbaşçysynyň we işgärleriniň, ýapon uniwersitetiniň mugallymlarynyň hem-de talyplarynyň gatnaşmagynda Soka uniwersitetinde tegelek stol görnüşinde ýene bir duşuşyk geçirildi.
Tegelek stoluň esasy temasy ylym, bilim we ýaşlar syýasaty boýunça hyzmatdaşlyga bagyşlandy. Taraplar onlaýn-umumy sapaklary geçirmek, wekiliýetleri alyşmak we ylmy materiallary ugurdaş neşirlerde çap etmek bilen baglanyşykly dürli meseleleri ara alyp maslahatlaşdylar.
Ýokary okuw mekdepleriň wekilleri ikitaraplaýyn gatnaşyklary pugtalandyrmagyň we talyplar, mugallymlar, professorlar üçin bilim we ylmy barlaglar ulgamynda mümkinçilikleri giňeltmegiň möhümdigini bellediler. Bu ugurdaky çäreleriň tejribe we bilim alyşmaga ýardam etjekdigi nygtaldy.
Ýokary okuw mekdepleriniň Özara hyzmatdaşlyk hakynda memorandumyna gol çekilmegine aýratyn üns berildi. Taraplar talyplar we mugallymlar alyşmasy maksatnamalaryny ösdürmek, şeýle hem ylmy maslahatlar, seminarlar, okuwlar we beýlekiler ýaly bilelikdäki çäreleri geçirmek barada ylalaşdylar. Tokio uniwersitetiniň talyplary hem, öz gezeginde, ýaşlar syýasatyny we halkara alyşmalaryna gatnaşmak mümkinçiligini ösdürmeklige gyzyklanma bildirdiler. Talyplar bu gatnaşyklaryň gözýetimlerini giňeltmäge, şeýle hem bilimiň hilini ýokarlandyrmaga ýardam edýändigini bellediler.
Türkmenistanyň we Ýaponiýanyň bilim, halkara gatnaşyklary we diplomatiýa pudagyndaky esasy edaralarynyň wekilleriniň geçiren duşuşyklary netijeli gatnaşyklary we ikitaraplaýyn gatnaşyklary pugtalandyrmak hem-de ösdürmek ugrunda möhüm ädim boldy.
