Paýtagtymyzyň «Köpetdag» topary Türkmenistanyň futzal boýunça Naýbaşy ligasynda ýene bir ýeňiş gazandy. 13-nji tapgyryň oýnunda Türkmenistanyň Içeri işler ministrliginiň topary TNGIZT-ni 6:2 hasabynda utmak bilen, söbügini basyp gelýän topardan 4 utuk öňdeligi elde saklady.

Ýaryşyň beýleki oýunlarynda «Migrasiýa» Daşoguzyň «Turan» toparyndan 4:3 hasabynda üstün çykdy, «Gümrükçi» we «Senagatbank» bolsa hersi bir top geçirdi – 1:1.

13 tapgyrdan soň ýurdumyzyň wise-çempiony «Köpetdag» 35, Türkmenistanyň häzirki üç gezek çempiony «Deňizçi» bolsa 31 utuk toplady.

Ilkinji üçlügiň ahyrynda 24 utukly «Senagatbank» barýar.

Türkmenistanyň Naýbaşy ligasynyň ikinji aýlawynyň soňky üç tapgyrynyň oýunlarynyň «Awaza» milli syýahatçylyk zolagynda ýerleşýän sport toplumynda geçirilýändigini ýatladýarys.