Ï Magtymguly Pyragynyň doglan gününiň 300 ýyllygyna bagyşlanan täze film atalaryň we ogullaryň arasyndaky gatnaşyklar hakynda
mail-icon
altynasyr.newspaper@sanly.tm
EN RU TK

Magtymguly Pyragynyň doglan gününiň 300 ýyllygyna bagyşlanan täze film atalaryň we ogullaryň arasyndaky gatnaşyklar hakynda

view-icon 1418
Magtymguly Pyragynyň doglan gününiň 300 ýyllygyna bagyşlanan täze film atalaryň we ogullaryň arasyndaky gatnaşyklar hakynda

Oguz han adyndaky «Türkmenfilm» birleşiginde «Atalar we ogullar» çeper-publisistik film taýýarlanylýar. Bu iş Magtymguly Pyragynyň şygryýetiniň muşdagy we ony gowy bilýän Rahymberdi Annagulyýewiň taslamasydyr. Ol ozal nusgawy şahyryň ömri we ruhy dünýäsi, şahyrana we filosofiki garaýyşlary barada diňe bir Türkmenistanda däl, eýsem, halkara film görkezişlerinde-de ykrar edilen belli «Istärin» filminiň edebi esasyny ýazypdy.

Täze film Magtymguly Pyragynyň eserlerine, şeýle hem türkmen halkynyň Milli Lideri Gurbanguly Berdimuhamedowyň «Ömrümiň manysy» we «Ömrümiň mansynyň dowamaty» kitaplaryndaky oýlanmalaryna we pikirlerine esaslanýar. Bu film ruhy baglanyşyklar, maşgala gymmatlyklary, nesilleriň dowamatlygy we türkmen halkynyň däp-dessurlary hakyndadyr.

Filmiň esasy temasy – birek-birege hormat goýmak we söýgi bilen tapawutlanýan atalar bilen ogullaryň arasyndaky gatnaşyklar hakynda. Pygamberler Dawut we Süleýman, Ýakup we Ýusup, Ybraýym we Ysmaýyldan başlap, beýik şahyrlar Döwletmämmet Azady we onuň atasyna hormat-sarpaly köp goşgy bagyş eden ogly Magtymguly Pyragy barada köp sanly taryhy we häzirki zaman mysallary getirilýär.

Bu däp-dessurlar biziň döwrümizde hem dowam edýär. Muňa türkmen halkynyň Milli Lideri Gurbanguly Berdimuhamedowyň atasy Berdimuhamet Annaýewiň şahsy ösüşindäki ähmiýeti we durmuş ýoly ogly üçin durmuş mekdebine öwrülen kakasy Mälikguly Berdimuhamedowa çuňňur hormaty we söýgüsi baradaky pikirleri-de şaýatlyk edýär.

«Atalar we ogullar» filmi indiki hepdede «Magtymguly Pyragy» medeni-seýilgäh toplumynyň we türkmen edebiýatynyň ajaýyp nusgawy şahyrynyň ýadygärliginiň açylyş dabarasyna gabatlanyp ilkinji gezek görkeziler.