Ýurdumyzyň futzal boýunça Naýbaşy ligasynyň öňbaşçysy «Senagatbank» topary häzirki futzal boýunça Türkmenistanyň dört gezek çempiony «Deňizçi» toparyndan tapawudyny 6 utuk artdyrdy. Şeýle ýaryş sanawy «Deňizçi» toparynyň garaşylmaýan ýerden «Migrasiýa» toparyndan – 2:3 hasabynda ýeňlişe sezewar bolan 8-nji tapgyryň netijelerinden soň emele geldi, «Senagatbank» topary bolsa Şamuhammet Babaýewiň 16-njy minutda we Rahatmyrat Nepesowyň 26-njy minutda geçiren pökgüsi netijesinde TNGIZT toparyny 2:0 hasabynda ýeňdi.
Türkmenbaşynyň Halkara deňiz portunyň topary bilen «Migrasiýa» toparynyň arasyndaky duşuşyk dartgynly ýagdaýda geçdi.
4-nji minutda Abdylla Nursähedow «Deňizçi» toparyny – 1:0 hasabynda öňe çykardy, emma bu hasap uzak durmady. Eýýäm 6-njy minutda Daýanç Garajaýew – 1:1 edip hasaby deňledi. Ýene bir minutdan Ysmaýylmuhammet Öwekow «Senagatbank» toparyny – 2:1 hasabynda öňe çykardy. 22-nji minutda Gurbanguly Aşyrow öňbaşçynyň üstünligini 3:1-e ýetirdi. Bir minutdan soň «Deňizçi» toparynyň oýunçysy Maksat Soltanow aratapawudy az-kem azaltdy – 2:3 hasap bilen. Emma galan wagtda «Deňizçi» topary ýagdaýy üýtgedip bilmedi.
Ikinji gezek ýeňlişe sezewar bolan Ýakup Öwezowyň topary Mergen Ataýewiň toparyna çempionlyk ugrundaky göreşde ýeňillik döretdi.
Ýurdumyzyň futzal boýunça Naýbaşy ligasynyň 8-nji tapgyrynyň ýene bir duşuşygynda «Köpetdag» topary Daşoguzyň «Turan» toparyny 9:4 hasabynda utup, ikinji orundaky «Deňizçi» topary bilen tapawudyny 5 utuga çenli azaltdy.
«Turan» topary hasaby 8-nji minutda Sirožiddin Jumaniýazowyň dürs urgusy bilen açdylar. Emma artykmaçlygyny saklap bilmediler. «Köpetdag» toparyndan Mülkaman Annagulyýew (14-nji, 23-nji we 39-njy minutlarda) we Gurbangeldi Sähedow (24-nji, 26-njy we 28-nji minutlarda) üç, Allaberdi Meredow (21-nji we 33-nji minutlarda) iki, Sähetmyrat Atdaýew (30-njy minutda) bir pökgi geçirdiler. «Turan» toparyndan Sapargeldi Mätiýew (27-nji), Bagtyýar Jabbarow (31-nji) we Azizbek Rozimow (36-njy minutlarda) tapawutlandylar.
Şeýlelikde, geçirilen duşuşyklardan soň 24 utuk toplan «Senagatbank» topary birinji orny eýeleýär. Ikinji, üçünji orunlarda «Deňizçi» (18 utuk) hem-de «Köpetdag» (13 utuk) toparlary ýaryşyň sanawunda ornaşdylar.
9-njy tapgyrda öňbaşçylaryň – «Senagatbank» bilen «Köpetdag» toparynyň arasyndaky duşuşyk üns merkezinde bolar. Beýleki duşuşyklarda TNGIZT – «Turan» we «Migrasiýa» – «Köpetdag» toparlary duşuşarlar.
