Türkmenistanly ýaş çeper gimnastikaçylar Daşkentde (Özbegistan) geçirilen çeper gimnastika boýunça «Merry Caravan» 14-nji halkara ýaryşynda dürli derejeli 29 medal gazandylar.

Türkmenistanyň Sport baradaky döwlet komitetinde habar berlişine görä, ýaryşa 10 ýurtdan 6 ýaşdan 16 ýaş aralygyndaky 356 türgen gatnaşdy. Olar toparlaýyn we özbaşdak bäsleşiklerde baýrakly orunlar ugrunda göreşdiler.

Türkmenistanyň toparyndan ýaryşa Aşgabatdan, Balkan we Mary welaýatlaryndan 39 gimnastikaçy gatnaşdy. Olaryň 29-sy – 18 altyn, 10 kümüş we 1 bürünç medal gazandylar.

Gurbanjemal Ýagşymyradowa, Maýagözel Amanowa, Seýrana Hemraýewa, Ýewa Strelsowa, Sofiýa we Ameliýa Bensler, Reýhan Amanowa, Mahym Gurbanowa, Bogdana Kotukowa, Sara Gulberdiýewa, Ada Aýlin Gunaslan, Lolita Awanesowa, Irina Kononowa, Medine Akyýewa, Amaliýa Alekperowa, Leýli Batyrowa we Fatima Kambarowa hormat münberiniň ýokary gatyna çykdylar.

 Sofiýa Tawarasýan, Aýna Akyýewa, Ýuliýa Malsewa, Inara Hanowa, Gözel Gurbanowa, Aýsen Abdullaýewa, Aýperi Garajaýewa, Aýnur Täçgulyýewa, Enaý Hakyýewa, Halifa Jawadowa dagylar kümüş medala mynasyp boldular.

Selin Başirowa halkaly maşkda bürünç medal eýledi.