Halkara ýük daşaýyşlaryny amala aşyrýan awtoulag serişdeleriniň hünär taýýarlygyny geçmekleri üçin Türkmenistan degişli okuw merkezini açmagy meýilleşdirýär.
Bu ýurdumyzda ulag we logistika pudagyny ösdürmek üçin möhüm ädimdir.
Merkeze Halkara ýol ulaglary bileleşigi tarapyndan ygtyýar berler we sürüjilere hem-de ulag operatorlaryna halkara ülňülerine laýyklykda, esasan-da, Ýewropa ýurtlaryna ulag gatnawy üçin tälim berer. Akademiýa eýýäm gysga wagtlyk okuwlary geçirmek üçin mugallymlary taýýarlap başlady. Ilkinji 3 günlük onlaýn okuwlar tahograflary ulanmagyň aýratynlyklaryna bagyşlanýar. Okuw 5 tapgyrda geçiriler.
Täze okuw merkeziniň mugallymlary häzirki zaman sanly tehnologiýalar bilen enjamlaşdyrylan synp otaglarynda tälim alarlar. Synaglardan üstünlikli geçenler okuw merkezi Şweýsariýa döwletiniň Ženewa şäherinde ýerleşen akademiýasynyň şahadatnamasyny alarlar. Bu okuw merkezi okuwy üstünlikli tamamlan türkmen sürüjilerine we menejerlerine halkara derejeli şahadatnamalar we diplomlar bermäge mümkinçilik berer.
