Ispaniýanyň Kambrils şäherinde geçirilen karate boýunça dünýä çempionatynda türkmen türgenleri bir kümüş we iki bürünç medal eýelediler.

Ýaryşa 17 ýurtdan 549 türgen gatnaşdy. Türkmenistana 10 türgen wekilçilik etdi.

Toparymyzdan Selim Myratdurdyýew üç gezek üstünlik gazandy. Kumite boýunça şahsy bäsleşikde bürünç medal, Nurgeldi Annagurbanow bilen bilelikde en-bu jübüt bäsleşikde (wagt boýunça tilsimleri görkezmekde) kümüş medal, toparlaýyn kumite bäsleşikde Hemra Begjanow, Kemal Ataýew we Eziz Zekerýäýew dagy bilen bilelikde çykyş edip bürünç medal eýeledi. 

Toparymyz Milli Adaty karate federasiýasynyň başlygy Diýar Hojaýewiň we Türkmenistanyň milli ýygyndysynyň baş tälimçisi Döwlet Berdiýewiň ýolbaşçylygynda dünýä çempionatyna taýýarlandy. Dünýä çempionatynda Türkmenistanyň eminler toparyna Eýmur Mädeminow we Guwanç Adyýew wekilçilik etdiler.