S.A.Nyýazow adyndaky Türkmen oba hojalyk uniwersitetiniň guramagynda ýurdumyzyň orta hünär okuw mekdepleriniň talyplarynyň arasynda geçirilen ders bäsleşikleriniň netijeleri jemlenildi.
Matematika, fizika we informatika dersleri boýunça olimpiadalar 15-nji noýabrdan 20-nji noýabr aralygynda geçirildi. Intellektual bäsleşigi ýurdumyzyň ähli welaýatlaryndan zehinli talyplaryň 100-den gowragynyň gatnaşmagynda geçirildi. Olimpiadalar şahsy bäsleşik görnüşinde geçirilip, olaryň her biri iki tapgyrdan ybarat boldy.
Matematika dersi boýunça olimpiadanyň netijeleri boýunça talyplaryň 22-si baýrakly orunlary aldylar. Bu bäsleşikde Lebap welaýat maliýe-ykdysady orta hünär okuw mekdebiň talyplary Leýli Ýolumowa, Nartäç Öwlýagulyýewa, Hydyr Derýaýew adyndaky Mugallymçylyk mekdebiň talyplary Aýnur Dilmyradowa, Kümüş Şamyradowa hem-de Baýramaly agrosenagat orta hünär okuw mekdebiň talyby Aýlar Ilmyradowa altyn medallary we birinji orunlary eýelediler.
6 sany ikinji hem-de 11 sany üçünji orunlary ýokarda görkezilen ýokary okuw mekdepleriň, Aşgabat we Türkmenabat agrosenagat orta hünär okuw mekdepleriň, Daşoguz welaýat agrosenagat we maliýe-ykdysady orta hünär okuw mekdepleriň, Aman Kekilow adyndaky Mugallymçylyk mekdebiň we Mary nebit gaz orta hünär okuw mekdebiň talyplary gazandylar.
Fizika dersi boýunça olimpiadada talyplaryň 11-si ajaýyp netijeleri görkezdiler. Aşgabat energetika orta hünär okuw mekdebiň talyby Erkin Sapargeldiýew we Aşgabat şäherindäki agrosenagat orta hünär okuw mekdebiň talyby Suraý Myradowa altyn medallaryň eýeleri boldular.
Kümüş medallaryň 4-si hem-de bürünç medallaryň 5-si ýokarda görkezilen okuw mekdepleriň, şeýle hem Mary şäherindäki Jemagat hojalygy orta hünär okuw mekdebiň, Daşoguz welaýat maliýe-ykdysady orta hünär okuw mekdebiň, Balkanabat nebitçilik orta hünär okuw mekdebiň we Mary nebit gaz orta hünär okuw mekdebiň talyplary gazananlarynyň üstüni ýetirdi.
Informatika dersi boýunça olimpiada gatnaşyjylar baýrakly orunlaryň 20-sine mynasyp boldular. Birinji orunlaryň 4-sini Hydyr Derýaýew adyndaky Mugallymçylyk mekdebiň talyplary Ogulgerek Agamyradowa we Nowgül Permanowa, şeýle hem Aşgabat we Baýramaly agrosenagat orta hünär okuw mekdepleriň talyplary Ahmet Atanyýazow we Didar Ahmedow gazandylar.
8 sany ikinji we şonça üçünji orunlary ýokarda görkezilen mekdepleriň, şeýle hem Balkanabat nebitçilik orta hünär okuw mekdebiň, Mary nebit gaz orta hünär okuw mekdebiň Aşgabat şäherindäki mehanika-tehnologiki orta hünär okuw mekdebiň, Türkmenabat we Daşoguz agrosenagat orta hünär okuw mekdepleriň, Aman Kekilow adyndaky Mugallymçylyk mekdebiň hem-de Mary şäherindäki Jemagat hojalygy orta hünär okuw mekdebiň informatika zehinlileri eýelediler.
Ders bäsleşikleriniň ýeňijileri S.A.Nyýazow adyndaky Türkmen oba hojalyk uniwersitetiniň diplomlary we medallary bilen sylaglanarlar.
Olimpiadalar talyplaryň ylmy öwrenmäge bolan gyzyklanmalaryny höweslendirmek we goldamak, olaryň intellektual taýdan ösmegi üçin oňyn şertleri döretmek, nazary bilimlerini çuňlaşdyrmak we talyplaryň amaly başarnyklaryny kämilleşdirmek, şeýle hem ýurdumyzyň ýokary we orta hünär okuw mekdepleriniň arasyndaky gatnaşyklary berkitmek maksady bilen geçirildi.
Olimpiadalar «Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasyny» hem-de «Türkmenistanda sanly bilim ulgamyny ösdürmegiň Konsepsiýasyny» durmuşa geçirmäge gönükdirilen çäreleriň meýilnamasynyň çäklerinde guraldy.
