Türkmenistanyň Döwlet energetika institutynda ýokary okuw mekdebiň professor-mugallymlar düzümi we talyp ýaşlary üçin ÝB-niň «Erazmus+» maksatnamasynyň habarlar güni geçirildi.

Çäräniň dowamynda «Erazmus+»-yň Türkmenistandaky milli edarasynyň utgaşdyryjysy Aýna Çörekliýewa bu maksatnama tarapyndan Türkmenistanyň ýokary okuw mekdepleri üçin ýokary bilim ulgamynda hödürlenilýän mümkinçilikler baradaky habarlar bilen tanyşdyrdy. 

Duşuşyga gatnaşyjylar maksatnamanyň ýokary bilim babatda mümkinçiligiň artdyrylmagy, «Halkara Karz Ykjamlygy», «Erazmus Mundus we Žan Mone maksatnamasy» diýen bilelikdäki magistrlik derejeleri ýaly dürli ugurlary bilen tanyşdylar. 

Türkmenistanyň Döwlet energetika institutynyň mugallymlary we talyplary dürli taslamalara hem-de talyp hakly maksatnamalara eýe bolmak üçin haýyşnamalaryň neneňsi bermelidigi barada maglumatlary aldylar. 

«Erazmus+», bu Ýewropa Bileleşiginiň 2021 – 2027-nji ýyllar aralygyndaky döwür üçin niýetlenilen maksatnamasydyr. Belgiýanyň Brýussel şäherinde ýerleşen Ýewropanyň Bilim we medeniýet boýunça Ýerine ýetiriji agentligi maksatnamanyň utgaşdyryjysy bolup çykyş edýär. 

ÝB-niň «Erazmus+» maksatnamasy bilim, hünär taýdan okatmak, işgärleri taýýarlamak, sport we ýaşlar bilen işlemek ulgamlarynda, ýokary okuw mekdepleriň talyplary we işgärleri hem-de ýokary okuw mekdepleriň özleri üçin goşmaça bilim we maliýe mümkinçiliklerini döretmek babatda taslamalary goldamaga gönükdirilendir. Ýewropa Bileleşiginiň «Erazmus+» maksatnamasy 25 ýyldan gowrak iş tejribesine hem-de bilim, hünär boýunça taýýarlamak we ýaşlar babatda Ýewropa maksatnamalarynyň gazananlaryna daýanýar.