Türkmenistanyň zenanlar ýygyndy topary Merkezi Aziýa Futbol Assosiasiýasynyň (CAFA) Duşenbede başlanan Futzal çempionatynda Gyrgyzystanyň topary bilen ilkinji oýnuny 1:1 hasabynda tamamlady.
Bäsleşige Gyrgyzystandan, Eýrandan, Täjigistandan, Türkmenistandan we Özbegistandan bäş topar gatnaşdy, olar aýlawly ulgam oýunlarynda çempiony kesgitlär.
CAFA Zenanlar Futzal çempionaty ýaryşy dördünji gezek geçirilýär. Biziň ýurdumyzyň wekilleri olara ikinji gezek gatnaşýarlar. Geçen ýyl Duşenbede geçirilen ýaryşda ildeşlerimiz diňe Täjigistanyň toparyny 4:1 hasabynda utup, dördünji orny eýeledi.
Bir ýyl ozal Türkmenistanyň we Gyrgyzystanyň zenanlar toparlary hem CAFA çempionatyny açdy. Şonda gyrgyzystanly oýunçylar elde baryny edip, ýeňiş gazandylar – 3:1. Bu gezek welin ähli zat başgaça boldy.
Gyrgyzystanly garşydaşlar eýýäm 2-nji minutda Kenjebubu Yrysbek kyzynyň tagallasy bilen hasaby açdy – 1:0. Ol meýdançanyň özüne degişli ýarysyndan derwezäniň merkezine uran takyk urgusy bilen geçdi. Biziň futzalçylarymyz diňe oýnuň ikinji ýarymynda hasaby deňlediler. Bu topy Läle Haýypowa tora girizdi.
Ilkinji oýun gününde bolan başga bir oýunda Eýran topary Özbegistanyň toparyny 9:0 hasabynda utdy. Türkmenistanyň ýygyndy topary Özbegistan bilen indiki tapgyrda oýnamaly.
Ýaryş 16-njy fewralda tamamlanar.
CAFA Zenanlar futzal çempionaty 2022-nji ýyldan bäri geçirilýär. Ýaryşlar 2022-nji we 2024-nji ýyllarda Duşenbede, 2023-nji ýylda bolsa Daşkentde geçirildi. CAFA-nyň ähli çempionatynda Eýranyň zenanlar futzalçylary ýeňiji boldy.
