Geljek günlerde Türkmenistanda üýtgäp durýan bulutly howa bolup, käbir ýerlerde ýagyş ýagar diýlip çak edilýär. Dynç günleri howanyň açylmagyna garaşylýar.

Aşgabatda üýtgäp durýan bulutly howa bolup, howanyň temperaturasy gündizlerine –1 gradusdan +1°C, gijelerine –4 gradusdan –6 gradus aralygynda üýtgäp durar. Hepdäniň ahyrynda gar gatyşykly ýagşyň ýagmagy mümkin. Dynç güni howa +13 gradusa çenli maýlar diýlip çak edilýär.

Ahal welaýatynda üýtgäp durýan bulutly howa bolup, hepdäniň başynda howanyň gündizki temperaturasy –3…+2 gradus, gijelerine –3…–8 gradus bolar. Az-kem ygal düşmegi mümkin. Dynç günleri +12 gradusa çenli maýyl bolar diýlip çak edilýär.

Balkan welaýatynda, esasan, bulutly howanyň bolmagyna garaşylýar. Howanyň temperaturasy gündizlerine +2…+7 gradus, gijelerine –3…–8 gradus bolar. Käbir ýerlerde ýagyş ýagar. Howa dynç günleri gündizlerine +11 gradusa çenli maýlar.

Mary welaýatynda wagtal-wagtal açylýan bulutly howa bolup, hepdäniň birinji ýarymynda ygal düşmegi mümkin. Gündizlerine howanyň temperaturasy 0 gradus bilen –5 gradus aralygynda, gijelerine bolsa –4…–9 gradus bolar. Dynç günleri howanyň +13 gradusa çenli maýlamagyna garaşylýar.

Lebap welaýatynda bulutly howa bolup, howanyň temperaturasy gündizlerine 0 gradusdan –5 gradus aralygynda, gijelerine bolsa –4…–9 gradus bolar. Käbir ýerlerde az wagtlyk ýagyş we gar ýagmagy mümkin. Hepdäniň ahyrynda +13 gradusa çenli maýyl howa bolar diýlip çak edilýär.

Daşoguz welaýatynda bulutly howa bolar. Howanyň temperaturasy gündizlerine –4 gradusdan +1 gradus aralygynda, gijelerine bolsa –5 gradusdan +10 gradus aralygynda bolar. Hepdäniň dowamynda az-kem gar ýagmagy mümkin. Dynç günleri açyk howa bolup, howanyň temperaturasy +9 gradusa çenli maýlamagyna garaşylýar.