Şu hepde Türkmenistanda howa sowar. Käbir sebitlerde yzy gara ýazýan ýagyş ýagmagy çaklanylýar.

Aşgabatda üýtgäp durýan bulutly howa bolup, gündiz –5...+7, gije 0 gradusdan –5 gradusa çenli sowuk bolar. Hepdäniň ortasynda gar ýagmagy mümkin.

Ahal welaýatynda üýtgäp durýan bulutly howa bolup, gündiz –2…+3, gije –1…–6 gradus sowuk bolar. Käbir ýerlerde gar gatyşykly ýagyş ýagmagy mümkin.

Balkan welaýatynda gar gatyşykly ýagyş ýagar. Gündiz + 1…+6, gije –2…+ 3 gradus howa çaklanylýar. 

Mary welaýatynda üýtgäp durýan bulutly howa bolup, gündiz –1…+4, gije –1…–6 gradus sowuk howa çaklanylýar. Hepdäniň dowamynda gar ýagmagy mümkin.

Lebap welaýatynda ümürli howa bolup, gündiz –2...+8, gije –2…–7 gradusa çenli sowar. Gar gatyşykly ýagyş ýagmagy ähtimal.

Daşoguz welaýatynda bulutly howa bolup, gündiz –1…+4, gije –6…–11 gradus sowuk. Hepdäniň dowamynda az-kem gar ýagmagy çaklanylýar.