Türkmenistanyň Gidrometeorologiýa gullugynyň deslapky maglumatlaryna görä, mart aýynyň başynda ýurdumyzda maýyl howa bolar diýlip çak edilýär. Gysga wagtlyk ýagşyň ýagmagy ähtimal. Ýurdumyz boýunça howanyň ortaça temperaturasy +18 gradus töweregi bolar.

Aşgabatda az bulutly howa bolup, hepdäniň birinji ýarymynda maýyl howanyň bolmagyna garaşylýar. Howanyň temperaturasy gündizlerine +12 gradusdan +19 gradus aralygynda, gijelerine +4…+6 gradus bolar. Dynç günleri gysga wagtlyk ýagşyň ýagmagy mümkin.

Ahal welaýatynda üýtgäp durýan bulutly howa bolup, howanyň temperaturasy gündizlerine +16…+21 gradus, gijelerine +3…+8 gradus bolar. Ýagşyň ýagmagy ähtimal.

Balkan welaýatynda üýtgäp durýan bulutly howa bolup, howanyň temperaturasy gündizlerine +12…+17 gradus, gijelerine +2…+7 gradus bolar. Käbir ýerlerde ýagşyň ýagmagy mümkin.

Mary welaýatynda bulutly howa bolup, howanyň temperaturasy gündizlerine +15…+20 gradus, gijelerine +2…+7 gradus bolar.

Lebap welaýatynda üýtgäp durýan bulutly howa bolup, howanyň temperaturasy gündizlerine +15…+20 gradus, gijelerine +1…+6 gradus bolar. Käbir ýerlerde gysga wagtlaýyn ýagyş ýagar diýlip çaklanylýar.

Daşoguz welaýatynda üýtgäp durýan bulutly howa bolup, howanyň temperaturasy gündizlerine +9…+14 gradus, gijelerine –1…+4 gradus bolar. Dynç günleri ygal düşer diýlip çak edilýär.