Magtymguly adyndaky Türkmen döwlet uniwersitetinde «Durnukly ösüşi üpjün etmegiň esasy ugry: ekologiýa bilimi we daşky gurşawy goramagyň häzirki zaman meseleler» atly halkara ylmy-amaly maslahat geçirildi.

Maslahata jemi 24 ýurtdan, şol sanda Türkmenistandan, Özbegistandan, Gazagystandan, Gyrgyzystandan, Belarusdan, Eýrandan, Türkiýeden, Germaniýadan, Belgiýadan, Rumyniýadan, Hindistandan, Ýaponiýadan, Koreýadan, Alžirden, Russiýadan we beýleki ýurtlardan ýokary okuw mekdepleriniň we ylmy-barlag institutlarynyň 180-den gowrak professory, mugallymy we alymy gatnaşdy.

Maslahat 7-8-nji aprelde onlaýn görnüşde geçirildi. Onuň çäklerinde umumy mejlis we üç tematiki «Ekologiýa bilimini ösdürmekde innowasiýa tehnologiýalarynyň orny», «Suw we ýer baýlyklaryny rejeli peýdalanmagy dolandyrmagyň usullary», «Biologiýa dürlüligi öwrenmegiň we goramagyň esasy meseleleri» bölümiň işi guraldy.

Maslahat howanyň üýtgemegi bilen baglanyşykly häzirki zaman ekologiýa meselelerini çuňňur seljermek, ekologiýa bilim çemeleşmeleri kämilleşdirmek, şeýle hem ylmy barlaglar, ekologiýa boýunça bilim maksatnamalary we bu ugurda ýokary derejeli hünärmenleri taýýarlamak maksady bilen halkara hyzmatdaşlygyny berkitmek maksady bilen geçirildi.

Oňa gatnaşanlar häzirki zaman şertlerinde tebigy serişdelerden netijeli peýdalanmaga gönükdirilen okuw meýilnamalaryna ýöriteleşdirilen kurslary girizmek okuwy üçin interaktiw gurallary we meýdançalary döretmegiň mümkinçiliklerine garadylar.

Maslahatda Türkmenistandan we dünýäniň onlarça ýurdundan gatnaşyjylar ylmy barlaglaryň we ylmy-usulyýet işleriniň netijelerini bilelikde ara alyp maslahatlaşmaga, şeýle hem gymmatly tejribe alyşmaga mümkinçilik aldylar.

Çäräniň jemi boýunça forumyň ekologiýa we daşky gurşawy goramak babatda dünýä tejribesini öwrenmäge, bu ugurda halkara hyzmatdaşlygyny pugtalandyrmaga we Zeminde daşky gurşawyň abadançylygyny üpjün etmäge gönükdirilen ählumumy tagallalara ýardam edendigi nygtaldy.