Şu günler Daşoguzda ýerli kärhananyň hünärmenleri ýazky nahallary ekmek, şäheriň ýerlerini arassalamak we abadanlaşdyrmak işlerini amala aşyrýarlar. Seýilgählerde, meýdançalarda, ýol bölüji zolaklarda dürli güller we agaçlar oturdylýar.

Şäheriň gül bezegi barada aýdylanda bolsa, şu ýyl onuň esasy bölegine barhotka, kalendula, petuniýa we barwik ekildi. Bägüller we «gül haly» – semzek şäheriň bag-seýilgäh toplumynyň landşaft düzüminde ozalkysy ýaly mynasyp orny eýeleýär.

Agaçlardan ýüzlerçe tuýa, dagdan we tut nahallary oturdylýar. Daşoguzda her ýyl yzygiderliligi we toplumlaýyn ýerine ýetirilýän işler netijesinde diňe tuýanyň gündogar tuýa we güberçek tuýa ýaly birnäçe görnüşi bar. Häzirki wagtda şäher ilaty üçin aýratyn özüne çekiji katalplar we depesi owadan güjümler bar. Derekler hem daşky gurşawyň arassalygyna peýdaly täsir edýärler. 

Mälim bolşy ýaly, agaçlar, gyrymsy agaçlar, otlar we güller howany arassalaýar, kislorod bilen baýlaşdyrýarlar we topragyň zaýalanmagyna garşy gorag bolup hyzmat edýärler.

Geçirilen bag ekiş işleri biodürlüligiň saklanyp galmagyna ýardam edýär we ýerli ekoulgamy degişli derejede saklamaga kömek edýär.