Birleşen Milletler Guramasynyň Ilat gaznasynyň (ÝUNFPA) Türkmenistandaky wekilhanasy milli hyzmatdaşlarynyň we ösüş boýunça hyzmatdaşlarynyň öňünde her ýylyň 11-nji iýulynda bellenýän Bütindünýä ilat gününiň çäginde 2025-nji ýylda dünýäniň ilaty hakynda ählumumy Hasabatyny tanyşdyrmak bilen çykyş etdi.
Mowzugy «Adalatly we umyt doly dünýäde ýaşlaryň arzyly maşgalalary döretmek mümkinçiligini artdyrmak» bolan bu çäre paýtagtymyzdaky «Ýyldyz» myhmanhanasynda geçdi. «Bütindünýä ilat güni bize ýaşlaryň sesini eşitmegiň we olaryň öz gelejekleri baradaky kanuny ätiýaçlaryny göz öňünde tutmagyň zerurdygyny ýatladýar» diýip, ÝUNFPA-nyň Türkmenistandaky wekilhanasynyň başlygy Kemal Goşlyýew nygtady.
Bu hasabat Merkezi Aziýa ýurtlary, şol sanda Türkmenistan üçin-de ýurduň ilatynyň durnukly köpelmegi we onuň ýaşlygy tarapyndan şert döredilýän üýtgeşik özboluşly demografik mümkinçilikleri nygtaýar.
Şeýle hem, bu çäräniň çäginde ÝUNFPA-nyň Türkmenistandaky wekilhanasynyň geçiren «Maşgala isleg, goldaw bilen başlanýar» atly sungat bäsleşiginiň akwarel işleriniň sergisi-de boldy. Bäsleşigiň ýeňijilerine baýraklar gowşuryldy.
