27-nji oktýabrda Ürgenç döwlet uniwersitetinde Türkmenistanyň bilim ministri Jumamyrat Gurbangeldiýew bilen ýokary okuw mekdebiň rektory Feruza Madrahimowanyň resmi duşuşygy geçirildi.

Duşuşygyň dowamynda taraplar ýokary bilim we ylym ulgamynda hyzmatdaşlygy mundan beýläk-de ösdürmegiň geljegini giňişleýin maslahatlaşdylar.

Rektor Feruza Madrahimowa uniwersitetiň daşary ýurtly talyplary, şol sanda Türkmenistanyň ýaşlaryny okamaga çekmäge, olar üçin amatly şertleri döretmäge, Türkmenistanyň ýokary okuw mekdepleri bilen ylmy we akademiki gatnaşyklary giňeltmäge, şeýle hem bilelikdäki başlangyçlary we taslamalary durmuşa geçirmäge taýýardygyny beýan etdi.

Ürgenç döwlet uniwersitetiniň talyplarynyň her ýyl Türkmenistanda geçirilýän halkara olimpiadalara her ýyl işjeň gatnaşýandyklary bellenildi.

Taraplar hyzmatdaşlygy mundan beýläk-de giňeltmek, iki ýurduň alymlarynyň we talyplarynyň halkara ylmy maslahatlara, forumlara we akademiki çärelere özara gatnaşmaklaryny işjeňleşdirmek barada pikir alyşdylar.