29-30-njy maýda Aşgabatda „Maliýe ulgamynyň globallaşmagy we durnukly ösüşiň sebitara ölçegleri“ atly halkara maslahaty geçiriler. Bu maslahat Türkmenistanyň Maliýe ministrligi, Türkmenistanyň Merkezi banky hem-de Halkara Pul Gaznasy we Bütündünýä Banky bilen bilelikde gurnalar.

Türkmenistanyň dünýädäki ykdysady-hojalyk gatnaşyklaryna goşulyşmagyna ýardam bermek, maliýe – bank ulgamyndaky halkara hyzmatdaşlygyny ösdürmek we bu ulgamda sebitara hyzmatdaşlygy işjeňleşdirmek maslahatyň esasy maksady bolup durýar.