Türkmenistanyň 2023-nji ýylyň futzal boýunça Naýbaşy ligasynyň 6-njy tapgyrynyň oýunlary garaşylşy ýaly tamamlandy, birinji aýlawyň jemleýji bölegi Aşgabatda - Türkmenistanyň inžener-tehniki we ulag kommunikasiýalary institutynyň sport zalynda geçirilýär.

Çempionlyk ugrunda bäsleşýän «Köpetdag» we «Deňizçi» ýene bir ýeňiş gazanyp, ýakyn bäsdeşlerinden tapawudy has-da artdyrdylar.

Daşoguzyň «Turany» bilen «Migrasiýanyň» duşuşygynyň paýtagtymyzyň toparynyň saldamly artykmaçlygy bilen geçmegi netijesinde 5:1 hasabynda ýeňiş gazandy.

«Deňizçi» bilen «Milli goşunyň» duşuşygynda milli çempionatda yzda barýan topar Türkmenistanyň häzirki üç gezek çempionyna mynasyp garşylyk görkezip bilmedi, ol «Milli goşunyň» derwezesine on pökgi goýberdi.

Türkmenistanyň wise-çempiony «Köpetdag» TNGIZT-yň toparyndan 5:1 hasabynda üstün çykyp, altynjy gezek ýeňiş gazandy.

Naýbaşy liganyň 6-njy tapgyryny «Senagatbankyň» we «Gümrükçiniň» duşuşygy jemledi. Çekeleşikli geçen oýun 4:4 hasabynda deň tamamlandy.

Şeýlelikde, alty tapgyrdan soň «Köpetdag» 18 utuk bilen öňde barýar. «Deňizçiniň» ondan 3 utugy az. 10 utuk toplan «Senagatbank» bilen «Gümrükçi» degişlilikde üçünji we dördünji orny eýeleýärler.

Birinji aýlawyň iň soňky – 7-nji tapgyrynda «Köpetdag» – «Milli goşun», «Deňizçi» - «Migrasiýa», «Gümrükçi» - «Turan» we TNGIZT - «Senagatbank» duşuşarlar.