Aşgabadyň «Köpetdag» topary basdyr ýedi ýeňiş gazanmak bilen, Türkmenistanyň naýbaşy futzal ligasynyň birinji aýlawynyň ýeňijisi boldy.
Oýnaýan tälimçi Maksat Myradowyň şägirtleri oýunlary Türkmenistanyň Inžener-tehniki we Ulag kommunikasiýalary institutynyň sport zalynda geçirilen 7-nji tapgyrda «Milli goşuny» 16:3 hasabynda üstün çykyp, 21 utuk toplady.
Birinji aýlawyň netijeleri boýunça, «Köpetdag» 2023-nji ýylyň Türkmenistanyň naýbaşy futzal ligasynda ýekeje utugam ýitirmedik ýeke-täk topar bolup galýar.
«Migrasiýany» 3:1 hasabynda utan Türkmenistanyň häzirki üç gezek çempiony «Deňizçi» bolsa liderden 3 utuk yzda barýar.
13 utugy bolan geçen ýylyň milli çempionatyň bürünç medalçysy «Senagatbank» üçünji orny eýeleýär, ol TNGIZT-iň toparyndan ynamly üstün çykdy – 7:1.
Dördünji orny eýelän «Gümrükçi» Daşogzuň «Turan» topary bilen deňme-deň (4:4) oýnap, «Senagatbankdan» iki utuk yza galýar.
2023-nji ýylyň Türkmenistanyň naýbaşy futzal ligasynyň ikinji aýlawy 17-nji maýda «Turanyň» «Denizçi», «Migrasiýanyň» «Köpetdag», «Milli goşunyň» «Senagatbank» we «TNGIZ-iň» «Gümrükçi» bilen duşuşjak 8-nji tapgyryň oýunlary bilen başlar.
