Şu ýylyň 11 aýynyň netijeleri boýunça deňiz ýükleri daşamaklygyň barşy deňiz söwda flotunyň gämileri tarapyndan daşalan ýüküň umumy mukdarynyň 2022-nji ýylyň degişli döwri bilen deňeşdirilende 21,6% artmak bilen, 2 million 64 tonna bolandygyny görkezýär. Umuman, flotuň ýylyň görkezilen döwri üçin ýük daşamak boýunça meýilnamasy 129,4% ýerine ýetirildi.

2023-nji ýylyň ýanwar–noýabr aýlaryndaky ýük dolanyşygy 867,149 million tonna barabar boldy, 2023-nji ýylyň ýanwar–noýabr aýlary üçin ýük dolanyşygy boýunça meýilnamasy bolsa 228,9% ýerine ýetirildi.

Şeýle hem bu döwürde ýolagçy dolanyşygy 56,4% artmak bilen, meýilnama 245,9% ýerine ýetirildi. Daşalan konteýnerleriň sany 3846 TEU, ösüş depgini 277,3% boldy.

Türkmenistanyň ýapyk görnüşli «Deňiz söwda floty» paýdarlar jemgyýetiniň ýükleri daşamakdaky ýokary ösüş depgini, ilkinji nobatda, daşary ýurtlara daşalýan çig nebit we nebit önümleriniň mukdarynyň artmagy, şeýle hem «Demirgazyk – Günorta» HUD boýunça ýük dolanyşygynyň ösmeginde möhüm orun tutýan Türkmenbaşy halkara deňiz portundan iberilýän we üstaşyr geçýän ýükleriň köpelmegi bilen şertlendirilendir.