Hormatly Prezidentimiz Serdar Berdimuhamedowyň ýurdumyzda azyk bolçulygyny üpjün etmek boýunça beren görkezmeleriniň ýerine ýetirilmegi bilen baglylykda, Türkmenistanyň söwda nokatlary azyk önümleriniň köp dürlüligi bilen begendirýär.

Täze ýylyň öňýanyndaky günlerde ter miweler satylýan tekjeleriň ýany adamlardan doly. Datly pyrtykallary, bananlary, armytlary, kiwileri we almalary arzan bahadan satyn alyp bolýar. Mundan başga-da, söwdalar alnyp barylýan hatarlar ýurdumyz üçin adaty bolmadyk miweler bilen baýramçylyk saçagyny bezemäge mümkinçilik berýär. Şol miweleriň hatarynda ananaslar, kokoslar, awokadolar we beýlekiler bar. 

Daýhan birleşikleriniň we hojalyklarynyň ekerançylyk meýdanlarynda ösdürilip ýetişdirilen ýyladyşhana hojalyklaryndaky gök önümlere-de sarp edijileriň arasynda uly isleg bildirilýär. Gaplanan gök önümleriň, burçly pomidor goýultmalarynyň we ýapylan pomidordan taýýarlanylan goýultmalaryň söwdalary işjeň barýar.

Azyk bölümleriniň harytlarynyň görnüşleri dürli däneli önümleri hödürleýär. Olara-da uly arzanladyşlyklar degişli. Tüwi, ýarma, mäş, noýba hem-de beýleki däneli önümlerini lomaý hem-de bölekleýin satyn alyp bolýar. Ýerli öndürijileriň ýokary hilli undan taýýarlan çörek we çörek önümleriniň görnüşleri hem köp. 

Towuk etiniň we ýumurtganyň satuwy artdy. Şeýle hem Täze ýylyň öňüsyrasynda süýt önümleriniň – tworogyň, gaýmagyň, peýnirleriň, gatygyň, ýogurtlaryň, aýranyň we beýlekileriň öndürilişi iki esse ýokarlandy. Agzalan bu süýt önümleriniň köpüsi gyşky işdäaçarlar üçin esas bolup durýar. 

Türkmen telekeçileri şöhlat önümleriniň dürli görnüşleriniň öndürilişini üstünlikli özleşdirdiler. Munuň şeýledigine tekjelerde hödürlenilýän önümler – duzlanyp, tüssä kakadylan etler, sardelkalar, kakadylan şöhlatlar we ençeme beýlekiler şaýatlyk edýär. 

Türkmenistanyň azyk ulgamy hemişe ösüşde. Onuň maksady ilatyň ýokary hilli azyk önümlerine bolan isleglerini kanagatlandyrmakdan ybaratdyr.